فۆتۆ:
2021-05-24
275 جار خوێندراوەتەوە
ڕێڤەبەرێ گومرکا پارێزگەها ئیلام ڕاگەهاند، دناڤبەرا مەها نیسانێ بۆ گولانا ئەڤسالە ل دەرازینکا سنوری یا میهران یا ناڤدەولەتی ب بهایێ ١٢٤ ملیۆن دۆلاران ئیرانێ کەلوپەل و فێقی و کەسکاتی هنارتینە عێراقێ.
روحولا غولامی ڕێڤەبەرێ گومرکا ئیلام بۆ ئاژانسا نووچەی یا ئێرنا یا ئیرانی ڕاگەهاند، ل دەرازینکا سنوری یا میهران وەلاتێ وان کوژمێ زێدەتر ژ ٢٨٠ هزار تەنێن کەرەستێن بیناسازی و بەرهەمێ پلاستیکی و شیشەی و کەلوپەلێن ناڤ مالێ و بەرهەمێن کانزایی و فێقی و کەسکاتی هنارتینە عێراقێ.
دیارکر ژی، رۆژانە ٣٨٠ بۆ ٤٥٠ بارهەلگرێن عێراقێ د دەرازینکا سنوری یا میهران یا ناڤدەولەتی دا دچنە دناڤ ئاخا ئیرانێ دا ب مەرەما بارکرنا کەلوپەلان.
غولامی بەحسا وێیەکێ کر، سالا دەربازبووی ل دەرازینکا سنوری یا میهران کوژمی ئێک ملیۆن و ٦٠ هزار تەنێن کەلوپەلان و پێتڤیێن جۆراوجۆر و ب بهایێ ٥٥٣ ملیۆن دۆلاران ئیرانێ هنارتینە عێراقێ.
م.م