فۆتۆ:
2021-05-24
307 جار خوێندراوەتەوە
وەزارەتا ساخلەمیێ و ژینگەها عێراقێ بۆ ئێن ئاڕ تی ڕاگەهاند، کاروانەکێ دیێ ڤاکسینێن فایزەر یێن دژی ڤایرۆسێ کۆرۆنایێ کو ٥٠ هزار قورچ گەهشتینە وەلاتی.
ئەڤرۆ دووشەمبی، سیف بەدر پەیڤدارێ ساخلەمیا عێراقێ، بۆ ئێن ئاڕ تی ڕاگەهاند، ژ مەها نیسانێ وەرە هەمی ئێکشەمبیان کاروانەکێ ڤاکسینێ گەهشتیە عێراقێ و بسەر ناڤەندێن ساخلەمی دا هاتیە پارڤەکرن.
ئەوژی دیارکر، ٥٠ هزار قورچێن ڤاکسینێ ڤایزەر گەهشتینە عێراقێ و بڕیارە ئەو ڤاکسین بسەر پارێزگەهێن ناڤەراست و رۆژئاڤای و هەرێما کوردستانی دا بهێنە پارڤەکرن.
ژبلی ڤاکسینا فایزەر، حکومەتا عێراقێ گرێبەست دگەل کۆمپانیا ئەسترازینیکا کریە بۆ وێیەکێ کوژمەکێ ڤاکسینا دژی کۆرۆنایێ بکڕن.
ڤاکسینا فایزەر ل کوردستانێ باوەری و داخازیەکا زۆر لسەر هەیە و رۆژا ٢٣ی مەها دەربازبووی ڤاکسینا فایزەر ل هەرێما کوردستانێ نەما.
م.م