فۆتۆ:
2021-05-22
455 جار خوێندراوەتەوە
هاشم مەشهەدانی ئێکبوو ژ بەربژێرێن هەڤپەیمانیا عەزم ب سەرۆکاتیا خەمیس خەنجەر ل ناڤ باژێرێ بەغدا ژ ئالیێ چەند کەسێن نە نیاس هاتە کوشتن.
ئەڤرۆ پێنج شەمبی، خەمیس خەنجەر سەرۆکێ هەڤپەیمانیا عەزم هەڤدەم ئێکە ژ سیاسەتمەدارێن سونەیێن عێراقێ د تویتەکیدا ڕاگەهاند، "تیرۆرکرنا هاشم مەشهەدانی بەربژێرێ هەڤپەیمانیا عەزم د ناڤ باژێرێ بەغدا دا، نامەیەکا ب مەترسیە".
دبێژیت ژی، "روویدان ئاماژەیەکا گرنگە بۆ پاراستنا کارێ دیموکراسی و خۆدان هزر و بۆچوون و چالاکیێن جەماوەری ل عێراقێ پاراستنا وان ژ تیرۆرستان و یێن چەکێ بێ مۆلەت هەلدگرن و ژ دەرڤەی یاسایێنە".
کۆمسیۆنا بلندا سەربەخۆیا هەلبژارتنان ل حەفتی ڤێ مەهێ دروستکرنا ژوورەکا ئۆپەراسیۆنان ڕا گەهاند بۆ هویربینی ل شایستەیێن بەربژێران د دەمێ ١٥ رۆژان دا بمەرەما ئەنجامدانا پرۆسەیێن دەنگدانێ.
وەسا بڕیارە ١٠ی تشرینا ئێکێ یا ئەڤ سالە ل عێراقێ هەلبژارتنێن بەروەختێن پەرلەمانێ عێراقێ بڕێڤە بچن، پێتڤیە سێ رۆژان بەرێ وی دەمی پەرلەمانێ عێراقێ خۆ ب هەلوەشینیت.