فۆتۆ:
2021-05-21
427 جار خوێندراوەتەوە
پەیڤدارێ فەرماندەیا گشتیا هێزێن چەکدارێن عێراقێ، کوشتنا دوو کەسان بناڤێ سەرکردەیێن داعش ل پارێزگەها دیالە ڕاگەهاند.
د ڕاگەهاندنەکێ دا، یەحسا ڕەسول پەیڤدارێ فەرماندەیا هێزێن چەکدارێن عێراقێ ئاماژە ب وێیەکێ ژی کر، هێزین دژە تیرۆرێ د کەڤانێ ئۆپەڕاسیۆنەکێ دا، ب هەڤکاریا هیزێن ئەسمانی یێن عێراقێ، شیانە دوو سەرکردەیێن داعشێ کو ڕۆلەکێ بەرچاڤ د وێ رێکخراوێ دا هەبووینە کوشتنە.
پەیڤدارێ فەرماندەیا گشتیا هێزێن چەکدار بەحسا وێیەکێ ژی کر، "ئەو دوو کەسێن ب ناڤ سەرکردە بەرپرسبوون ل چەندین کارێن تیرۆرستی کو وەلاتی دناڤدا ببوونە قوربانی".
ل گۆرەی ئاماریێن دەزگەهێ بەهنگاربوونا تیرۆرێ سەر ب نەتەوەیێن هەڤگرتی ژی، ژمارا چەکدارێن داعش دگەهیتە ١٠ هزار چەکداران، دەما بەرپرسێن بلندێن سەربازیێن ئەمریکا، ژمارا چەکدارێن وی گرۆپێ چەکداری دگەهیتە ١٤ تا ١٦ هزار چەکداران ل عێراق و سوریا.
ل هەزەیرانا سالا ٢٠١٤ێ گرۆپێ چەکداریێ دەولەتا ئیسلامی ل عێراق و شامێ (داعش) ل عێراقێ سەرهلدا و د دەمەکێ کێمدا دەست بسەر بەشەکێ زێدە ژ ئاخا عێراقێ و سوریا دا گرت، پشترە ل سالا ٢٠١٧ێ هێزێن سەربازیێن عێراقێ سەرکەفتنا یەکجاری بسەر وی گرۆپی دا ڕاگەهاند.
و.ح