فۆتۆ:
2021-05-21
330 جار خوێندراوەتەوە
وەزارەتا پەترۆلا عێراقێ ڕاگەهاند، بلندبوونا بهایێ پەترۆلێ، دێ کاریگەریا ئەرێنی هەبیت لسەر زێدەبوونا داهات و کێمکرنا کورتئینانا بودجە و دانا قەران.
عاسم جیهاد پەیڤدارێ وەزارەتا پەترۆلا عێراقێ ئەو یەک ژی بەرچاڤکر، ل گورەی پێشبینیا وان چاڤەرێ دهێتەکرن تا داویا ئەڤسالە، بهایێ پەترۆلێ بچیتە سەر ٧٠ دۆلارا.
ئاماژە ب وێ یەکێ ژی کر، حکومەتا عێراقێ دێ پشت بەستیت ب بهایێ مەهانە یێ پەترۆلێ، ئەو ژی ل دەستپێکا هەمی مەهەکێ جڤینا تایبەت دێ لسەر هێتە کرن، ب مەبەستا پێداچوونا بازارێن پەترۆل و پەسەندکرنا بهایێ پەترۆلێ بۆ وێ مەهێ.
عاسم جیهاد دبێژیت ژی، وەزارەتا پەترولێ کاردکەت لسەر زێدەکرنا داهاتێن پەترۆلێ و د نهادا ژی عێراقێ سێ جۆر ژ پەترۆلێ دهنێرینە ژ دەرڤە، کو ژ هەمی جۆرێن پەترۆلێن دی داهات زێدەترە.
ل بەشەکێ دیێ ئاخفتنادا پەیڤدارێ وەزارەتا پەترولێ بەحس ژ وێ یەکێ کر، بلندبوونا بهایێ پەترولێ دێبیتە سەدەما زێدەبوونا داهات و کێمبوونا وان دەینێن کو لسەر عێراقێ بوون.
ئەو ژی ل دەمەکیدایە، بودجەیا گشتی یا عێراقێ نێزیکی ١٨ ملیار دۆلار کورتئینان یا هەی، لێ ژ ئەگەرا بلندبوونا بهایێ پەترولێ دا ئەو کورتئینان بهێتە کێمکرن، زێدەباری کورتئینان د بودجەی دا لێ حکومەتا عێراقێ دەستکاریا موچەیێ فەرمانبەران نەکریە، بەرۆڤاژی حکومەتا هەرێمێ ب لێبرینا ٢١% دێ موچەی دابەشکەت.
هـ.ر