فۆتۆ:
2021-05-17
503 جار خوێندراوەتەوە
شانەیا ئەولەهیا عێراقێ ڕاگەهاند، پشتی هاتنە ناڤ ئاخا عێراقێ، دوو بەرپرسێن دیارێن داعش ل پارێزگەها نەینەوا دەستەسەرکریە، کو ئێک ژ وان بەشداری کریە ل گرتن و فرۆشتن و دابەشکرنا ژنێن ئێزدی ل ساڵێن دەربازبوویدا.
شانەیا ئەولەهیا عێراقێ د ڕاگەهاندنەکێدا ئاشکراکر، دوو بەرپرسێن دیارێن داعش ل پارێزگەها نەینەوا ل ناڤچەیا جلبارات ل ناحیا رەبیعە دەستەسەرکریە، پشتی کو سنورێن دناڤبەرا سوریا و عێراقێ دا بەزاندی.
ئەو یەک ژی بەرچاڤکر، ئێک ژ وان دەستەسەرکریان بەرپرس بوو ژ چاندنا بومب و ئێکێ دی بەشداری کریە ژ ب کەنیزەککرنا (گرتن و فروشتنا وان ل بازارێ کۆیلەیان) یێ، ژنێن ئێزدی.
شانەیا ئەولەهیا عێراقێ ڕاگەهاندیە ژی، ئەو سەرکردە لسەر داخازا دادگەهـێ و ب ماددەیێ ٤ یێ تیرۆرێ هاتینە دەستەسەرکرن.
ل دەستپێکا مەها تەباخا ٢٠١٤ێ دا چەکدارێن داعش، پشتی کۆنترۆلکرنا باژێرێ موسل، شیان قەزا شنگالێ ژی کۆنترۆل بکەن و ژمارەیەکا زۆر ژ ئێزدیێن ئاکنجی یێن وێ قەزایێ دەستەسەربکەن و ژن و کچێن وان وەکی کەنیزەکێ ببەن و بسەر ئەندامێن داعشدا دابەشبکەن و ژمارەیەکا زور ژی ل بازاراندا کرین و فروتنێ پێ بکەن و تا نها ژمارەیەک ژ وان کچ و ژنان یێن ڤەگەریاینە ناڤ خێزانێن خۆ.
هـ.ر