فۆتۆ:
2021-05-15
599 جار خوێندراوەتەوە
موقتەدا سەدر، ڕێبەرێ رەوتا سەدر د تویتەکی دا بەلاڤکریە، داخاز ژ خۆپێشاندەران کریە بۆ پشتەڤانیکرنێ ل گەلێ فەلەستین خۆپێشاندانەکا ملیۆنی ل تەڤایا پارێزگەهان رێکبێخن، هەڤدەم، رەتکر لهەڤهاتنێ دگەل ئیسڕائیلێ دا بکەت.
ئاماژە ب وێیەکێ کر، "پشتی نەمانا قەدەغەیا هاتن و چوونێ ل عێراقا خوشتڤی، ب پێتڤی دزانم خۆپێشاندانەکا بهێز بۆ پشتەڤانیکرنێ ل گەلێ فەلەستین رێکبێخین و ئەڤرۆ ل تەڤایا پارێزگەهان و ل بەغدا ژی ل گۆڕەپانا تەحریر خۆپێشاندان بهێتە کرن".
هەڤدەم، داخاز ژ خۆپێشاندەران کریە، ئالایێ ئەمریکا و ئیسڕائیل ب شەوتینن و ئیدانەیا داگیرکرنا ئاخا فەلەستینێ ژی کر.
ئەوژی دیارکر، پێتڤیە ژ نها پێدا دگەل ئیسڕائیلێ لهەڤهاتن نەهێنەکرن و بەغدا ژی پەیوەندییان دگەل ئیسڕائیلێ دا ئاسایی نەکەت.
د چەند رۆژێن دەربازبوویدا، ئالۆزیێن دناڤبەرا فەلەستین و ئیسڕائیلێ دا سەرهلدا و لدیڤ ئاماران هەیا نها هژمارا کوشتیێن فەلەستین بۆ زێدەتر ژ ١٠٣ کەسان بلندبوویە و حەفت کەس ل ئیسرایلێ هاتینە کوشتن و نێزیکی ٥٠٠ کەسان ژی برینداربوون.