فۆتۆ:
2021-05-10
309 جار خوێندراوەتەوە
لژنەیا مافێ مرۆڤی ل پەرلەمانێ عێراقێ ڕاگەهاند، پێتڤیە کارکرن ب زارۆکان ب تاوان بهێتە نیاسین ب تایبەتی کارێن گران، دبێژیت، "بکارئینانا زارۆکان بۆ کارکرنێ دەسترێژیکرنە بۆ سەر مافێن وی".
قوسەی عەباس سەرۆکێ لژنەیا مافێ مۆرڤی ل پەرلەمانێ عێراقێ بۆ ئاژانسا نووچەی یا عێراقێ ڕاگەهاند، بکارئینانا زارۆکان بۆ کارکرنێ د وەلاتی دا جهێ دلگرانیێیە، ژبەر ڤێیەکێ پێتڤیە داویێ ب ڤێ دیاردێ بینین، ڕاگەهاند ژی، پێتڤیە ب یاسا بکارئینانا زارۆکان بۆ کارکرنێ ببیتە تاوان.
دبێژیت، پێتڤیە لسەر ئالیێن جێبەجێکار رێکارێن یاسایی هەبن ل هەمبەر وان کەسێن زارۆکان بۆ کارکرنێ بکاردئینن، ب تایبەتی کارێن گران کو دگەل ژیێ وان ناگونجیت.
بەحسا وێیەکێ ژیکر، دۆسیا کاسبکارێن زارۆک پێتڤیە ب یاسایێ بهێنە چارەسەرکرن، لەوما پێتڤیە لسەر پەرلەمانی بڕگە و یاسایێ بۆ دەربێخیت ل پێناڤ کێمکرنا ڤێ دیاردێ، هەروەسا پێتڤیە دەستهەلاتا دادوەری ژی رۆلێ خۆ هەبیت.
ئەڤە د دەمەکی دایە، رۆژا ئێکشەمبیێ پەرلەمانێ عێراقێ دەنگ لسەر پرۆژە یاسایا پاراستنا زارۆکان دا کو ژ ئالیێ وەزارەتا کار ڤە هاتبوو ئامادەکرن و رەوانەی پەرلەمانی کربوو.