فۆتۆ:
2021-05-10
468 جار خوێندراوەتەوە
میدیایێن عێراقێ گرتەڤیدیۆیەک بەلاڤکر کو تێدا تەقە ل رۆژنامەڤانەکێ وی وەلاتی دهێتەکرن، د شەڤا دەربازبووی دا ل قەزا شامیە ل پارێزگەها دیوانییە، ل بەر دەرگەهێ مالا وی هاتە بریندارکرن.
د وێ گرتە ڤیدیۆ یێدا دەردکەڤیت، رۆژنامەڤان ئەحمەد حەسەن ل دەمێ ڤەگەریایە مال یێ مژویلی راوەستاندنا ترۆمبێلێ بوو کەسەک ب دەمانجێ تەقێ لێدکەت و گولەیەک ب سەرێ وی دکەڤیت و برینداردبیت.
وەک د ڤیدیۆ یێدا دەردکەڤیت، پشتی کو بزاڤان دکەت وی رۆژنامەڤانی بکەتە ئارمانج، ئەو تەقەکەرە درەڤیت.
دوهی، نەخۆشخانا " الجملة العصبية" ل باژێرێ بەغدا ڕاگەهاند، شیاینە نشتەگەریەکێ بۆ ئەحمەد حەسەن بکەن و ژیانا وی بهیتە رزگارکرن.
ئەڤە د دەمەکی دایە، د ٢٤ دەمژمێرێن دەربازبوویدا ل پارێزگەها کەربەلا ئیهاب وەزنی چالاکڤانێ خۆنیشاندانێن عێراقێ هاتە کوشتن.