فۆتۆ:
2021-05-09
338 جار خوێندراوەتەوە
ئەندامەکێ لژنەیا ئاسایش و بەڕەڤانیێ ل پەرلەمانێ عێراقێ ڕاگەهاند، "تورکیا هێزەکا داگیرکەرە و پێتڤیە بەریا ڤەکێشانا هێزێن ئەمریکا خۆ ژ ئاخا عێراقێ ڤەکێشیت".
کاتع روکابی ئەندامێ لژنەیا ئاسایش و بەڕەڤانیێ ل پەرلەمانێ عێراقێ بۆ ئێن ئاڕ تی ڕاگەهاند، ئەو هێزا تورکیا یاکو هاتیە دناڤ ئاخا عێراقێ دا د چارچوڤێ هەڤپەیمانیێ دا نەهاتیە.
کاتع روکابی دبێژیت، هێزێن تورکیا بۆ دەما ٢٥ سالێن دەربازبووی ب چەند سەدەمێن جۆدا هاتینە عێراقێ و شیاینە ١٩ بنگەهێن سەربازی دروستبکەن، دبێژیت ژی، د نهادا قوناغەکە بەرەڤ پێشڤەچوونەکا زێدەتر بخۆڤە دیتیە ب رەنگەکی پێشڤەچوون ل هەرێما کوردستانێ و شنگالی کرییە.
ئەندامێ لژنەیا ئاسایشێ دیارکر، سەرەدانا ڤێ داویێ یا وەزیرێ بەڕەڤانیا تورکیا بۆ بنگەهێ سەربازی ل هەرێما کوردستانێ هەبوونا وان هەیە وەسا نیشاندا کو سەرکەفتیانەیە لێ ئەو کارەکێ نەدروستە و پێتڤیە حکومەتا عێراقێ پێنگاڤێن جدی پاڤێن و رێکار بتنێ دیبلۆماسیانە نەبیت.
بڕیارا ڤەکێشانا هێزێن بیانی د ناڤ ئاخا عیراقێ دا پشتی وێیەکێ دهێت بەریا نها، پەرلەمانێ عێراقێ پرۆژەیاسایەک پەسەندکر کو تایبەتە ب ڤەکێشانا تەڤایا هێزێن بیانی دناڤ ئاخا عێراقێ دا.
م.م