فۆتۆ:
2021-05-09
300 جار خوێندراوەتەوە
ئەندامەکێ لژنا دارایی ل پەرلەمانێ عێراقێ ڕاگەهاند، بلندبوونا بهایێ پەتڕۆلێ دێ کورتهێنانا بودجەیێ سالا ٢٠٢١ێ تژیکەت، دبێژیت، کورتهێنانا بودجەی ب ٣٢ ترلیۆن دیناران هاتیە خەملاندن.
ناجی سەعیدی ئەندامێ لژنەیا دارایی ل پەرلەمانێ عێراقێ ڕاگەهاندیە، بلندبوونا بهایێ پەتڕۆلێ دێ کورتهێنانا بودجەیێ ٢٠٢١ێ تژیکەت، دبێژیت، تەڤایا یاسایا بودجەیێ سالا ٢٠٢١ێ ب ١٢٩ ترلیۆن دیناران هاتیە خەملاندن و ژ وێ هژمارێ ٣٢ ترلیۆن دیناران کورتهێنان هەیە.
ناجی سەعیدی ئاماژە ب وێیەکێ کر، د بودجەی دا بهایێ ئێک بەرمیلێ پەتڕۆلێ ب ٤٥ دۆلاران هاتیە جێگیرکرن، ب بلندبوونا بهایێ پەتڕۆلێ ژی کورتهێنانا بودجەی دێ تژیبیت.
د دەمێ دەربازبووی دا، بسەدەما سەرهلدانا ڤایرۆسێ کۆرۆنایێ و داکەتنا بهایێ پەتڕۆلێ، حکومەتا عێراقێ د رەوشەکا بزەحمەت یا دارایی دا دەربازبوو و توشی قەیرانا کێمیا ژێدەرێن دارایی بوو.
هەڤدەم، ئەحمەد سەفار بڕیاردەرێ لژنەیا دارایی یا پەرلەمانێ عێراقێ ڕاگەهاند، چ رێگری نینن بۆ هنارتنا بودجەیێ هەرێمێ ژ بەغدا، ئەوا هەی ب تنێ خەمساریا هەرێمێ و نەچوونا لژنەیا تەکنیکیە بۆ بەغدا.
پشکا هەرێمێ ژی د بودجەیێ عێراقێ دا، ب ١٢.٦٧% هاتیە دیارکرن، د هەمبەر دا، حکومەتا هەرێمێ ئەکردارکریە ب رادەستکرنا ٢٥٠ هزار بەرمیلێن پەتڕۆلێ ب بهایێ سۆمۆ دگەل رادەستکرنا نیڤا داهاتێ خالێن سنوری.
م.م