فۆتۆ:
2021-05-06
178 جار خوێندراوەتەوە
ساخلەمیا عێراقێ ڕاگەهاند، د دەما ٢٤ دەمژمێرێن دەربازبوویدا، پێنج هزار و ٦٤١ حالەتێن توشبوونێ و ٢٩ حالەتێن ژیان ژدەستدانێ ل پارێزگەهێن باشوور و ناڤەراستا عێراقێ دا هاتینە تومارکرن، هەڤدەم، ل هەرێمێ ژی، ٥٩٢ حالەتێن چارەسەربوونێ و چار حالەتێن ژیان ژدەستدانێ هاتینە تومارکرن.
ئەڤرۆ پێنجشەمبی، وەزارەتا ساخلەمیا عێراقێ د ڕاگەهاندنەکێدا بەحسا وێیەکێ کر، ل تەڤایا پارێزگەهێن باشوور و ناڤەراستا عێراقێ دا، پێنج هزار و ٦٤١ کەس تووشی ڤایرۆسێ کۆرۆنایێ بووینە و پێنج هزار و ٩١٣ کەس ژ ڤایرۆسێ کۆرۆنایێ چارەسەربووینە، هەڤدەم، ٢٩ کەسان بسەدەما ڤایرۆسی ژیانا خۆ ژدەستدایە.
د ڕاگەهاندنا وەزارەتا ساخلەمیا عێراقێ داهاتیە، د دەما ٢٤ دەمژمیرین دەربازبوویدا، ل هەرێمێ ، ٥٩٢ کەس توشی ڤایرۆسی بووینە و ١٧٩ کەس ژ ڤایرۆسێ کۆرۆنایێ چارەسەربووینە، و بتنێ چار کەسان ل هەرێمێ بسەدەما ڤایرۆسێ کۆرۆنایێ ژیانا خۆ ژدەستدایە.
پشتی بەلاڤبوونا ڤایرۆسێ کۆرۆنایێ ل سالا ٢٠١٩ێ ل باژێرێ وهانێ ل چیێ، هەیانها د عێراقێ دا ١٠ ملیۆن و ٩٨١ هزار و ٨٧ کەس توشی ڤایرۆسێ کۆرۆنایێ بووینە، هەڤدەم ٩٨٦ هزار و ١٣٤ کەس چارەسەربووینە و ١٥ هزار و ٦٧٣ کەسان ژی بسەدەما ڤایرۆسی ژیانا خۆ ژدەستدایە.
م.م