فۆتۆ:
2021-05-04
432 جار خوێندراوەتەوە
وەزیرێ ساخلەمیا عێراقێ، وەک ئێکەم وەزیرێ کابینا مستەفا کازمی دەست ژکارکێشانا خۆ پێشکێشکر و مستەفا کازمی پەسەند کر.
ئەڤرۆ سێشەمبی، لگورەی ڕاگەهاندنەکا فەرمانگەها جڤاتا وەزیرێن عێراقێ، مستەفا کازمی سەرۆک وەزیرێن عێراقێ دەستژکارکێشانا حەسەن تەمیمی وەزیێ ساخلەمیا عێراقێ پەسەند کر.
پشتی وێیەکێ لژنا تایبەت ب ڤەکۆلینان د بوویەرا ئاگر کەفتنا نەخۆشخانا (ئیبن خەتیب)دا، راپورتا خۆ پێشکێشی جڤاتا وەزیران کر، حەسەن تەمیمی وەزیرێ ساخلەمیا عێراقێ، ئەڤرۆ داخازا دەستژکارکێشانا خۆ ئاڕاستەی جڤاتا وەزیران کر.
هەر ئەڤرۆ، جڤاتا وەزیران دەنگ لسەر راسپاردێن وێ لژنەیێ دا و تێدا، سزایێ ژکارلادانێ بۆ هەر ئێک ژ ڕێڤەبەر و جێگرێ کارگێڕیا نەخۆشخانا (ئیبن خەتیب) و ڕێڤەبەرێ بەڕەڤانیا شارستانێ دەرخست.
ئەڤە د دەمەکیدایە، شەمبی یا دەربازبووی، ئاگر بەربوو نەخۆشخانا ئیبن خەتیب ل بەغدا و ب وی سەدەمی ٨٢ کەسان ژیانا خۆ ژدەستدا و زێدەتر ژ ١٢٠ کەسان برینداربوون.
پشتی بوویەرێ ژی، سەرۆک وەزیرێن عێراقێ بڕیارا دویرئێخستنا وەزیرێ ساخلەمیێ و پارێزگارێ بەغدا و ڕێڤەبەرێ ساخلەمیێ ل دەڤەرا رەسافە دەرخست.
م.م