فۆتۆ:
2021-05-03
196 جار خوێندراوەتەوە
پەیڤدارەک بناڤی فەرماندەیا گشتی یا هێزێن چەکدار ڕاگەهاندن ل هەوەکا گەریان و پشکنینێدا، والیێ گرۆپەکێ چەکداریێ داعش یێ فەللوجە هاتە دەستەسەرکرن.
ئەڤرۆ دووشەمبی، پەیڤدارەک بناڤێ یەحیا رەسۆل فەرماندەیێ گشتیێ هێزێن چەکدار یێ حکومەتا عێراقی د ڕاگەهاندنەکێدا بەحس ژ وێ یەکێ کر، ب پشتبەستن ب زانیاریێن هەوالگیری، شیاینە "ئەبو عەلی جەمیلی" یێ بەرنیاس ب والیێ داعش ل فەللوجە دەستەسەربکەن و ل گورەی یاسایا بەرهنگاربوونا تیرۆر و ئەندامبوون ل گروپێ چەکداریێ داعش دێ هێتە دادگەهکرن.
د ڕاگەهاندنێ دا ژی هاتیە، ل گورەی ڤەکولینێن دەستپێکی، ئەو والیێ داعش دانپێدان ب وێ یەکێ کریە، کو ل سالا ٢٠٠٥ێ ئەندامی گروپێ چەکداریێ قاعیدە بوو و ل چەندین گروپێن دیێن چەکداریدا ژی کارکریە، ل وی دەمیدا، ب ١٥ سالێن زیندانێ هاتیە سزادان و پاشان ژی ل سالا ٢٠١١ێ دا هاتە ئازادکرن، ل پشتی وێ ژی پەیوەندی ب رێزێن گروپێ چەکداریێ داعش کریە و بەشداری چەندین چالاکیێن چەکداری کرییە.
هـ.ر