فۆتۆ:
2021-05-03
427 جار خوێندراوەتەوە
بسەدەما چەند ئەگەرێن ئەولەهی ڤەگەریانا خێزانێن داعش ل کەمپا هولێ بۆ پارێزگەها نەینەوا هاتە پاشخستن.
ئەندامەكێ جڤاتا نوینەرێن عێراقێ ڕاگەهاند، وەسا بڕیاربوو دوهـی کو دبیتە دووی ڤێ مەهێ کاروانەک کو پێکهاتبوو ژ پترى ١٠٠ خێزانێن چەکدار و ئەندامێن داعشێ کو رەگەز عێراقینە ژ کەمپا هۆلێ یا سوریا بۆ کەمپا جەدعە یا باشورێ مۆسل بهێن ڤەگوهاستن، لێ ژبەر چەند فشارێن ئەولەهی، ڤەگوهاستنا وان هاتە پاشخستن.
هەروەسا ڕاگەهاند، کو ئەڤ بڕیارە نەهاتیە هەلوەشاند، لێ ئەڤ بڕیارە ب چاڤدێریا نەتەوەیێن هەڤکگرتی هاتیە دارشتن کو پلان ژى دناڤبەرا حکومەتا عێراقێ و ئالی یێن سەرپەرشتیار یێن کەمپا هۆلێ بوویە.
کەمپا هولێ ٤٥ کیلۆمەتران ژ باژارێ حەسەکێ ل روژئاڤایێ کوردستانێ دوویرە و ژ نەهـ بەشان پێکهاتیە، و هەشت بەشێن کەمپێ پەنابەر و کۆچبەرێن عێراقێ و سورى تێدانە، بتنێ د سالا ٢٠٢٠ ێدا، ٣٣ پەنابەر و ئاوارە دناڤ کەمپا هولێ دا هاتنە کوشتن، ژ دەستپێکا ئەڤسالە ژی ١٣ کەس ژ پەنابەرێن عێراقێ و ئاوارەیێن سورى هاتینە کوشتن.