فۆتۆ:
2021-05-02
329 جار خوێندراوەتەوە
بەرەیێ تورکمانی ل هەڤپەیمانیتیا دگەل هەڤپەیمانیا پێشکەفتن خوزا نشتیمانی ڤەکشیا، ژێدەرەکی ژی سەدەما ڤەکشیانا بەرەیێ تورکمانی بۆ خواستا تورکیا و ڕاگرتنا بالانسا دناڤبەرا هێزێن سونەیان دا ڤەدگەریت.
ل گۆرەی نڤێسارەکێ کو هاتیە ئاراستەکرن بۆ کۆمسیۆنا بلندا سەربەخۆیا هەلبژارتنان، بەرەیێ تۆرکمانی بریارا ڤەکشیانێ ل هێزێن (تحالف التقدم الوطني /التقدم)دایە، و بتنێ د چوارچووڤێ هەڤپەیمانیا توکمانیا عێراقێ دا دێ بەژداربیت.
ژێدەرەکێ هایدار بۆ ئێن ئاڕ تی ڕاگەهاند، هەڤپەیمانیا (تحالف التقدم الوطني /التقدم) ژ ئالیێ عەرەبێن سنوە ب سەرۆکایەتیا محەمەد حەلبوسی هاتیە دامەزراندن کو زێدەتر ل سعودیێ نێزیکە.
هەڤدەم، ژێدەرەکێ هایدار لسەر وان گوهورینێن دناڤا بەرەیێ تورکمانی دا گوت، "تورکیا فەرمان ب بەرەیێ تورکمانی کریە ژ وێ هەڤپەیمانیەتیێ ڤەکشیت کو محەمەد حەلبوسی سەرۆکایەتیێ دکەت، و ئەو هێزانە هەردەم وەکی کرێگرتیێن وەلاتان دەردکەڤن و نە خودانێ بریار و کیانێ خۆنە".
بەرەیێ تورکمانی عێراقێ بارگەهێ سەرەکی ل باژارێ کەرکوکێ یە و ئێکە ژ دیارترین هێزین سیاسیێن توکمانی عێراق و ل سالا ٢٠١١ێ وەرە ژ ئالیێ ئەرشەد سالحی ڤە سەرۆکایەتی دکر و ل ناڤەراستا مەها ئادارا ئەڤ سالەدا حەسەن توران وەکی سەرۆکێ نویێ بەرەیێ تورکمانی هاتە دیارکرن.
و.ح