فۆتۆ:
2021-05-01
343 جار خوێندراوەتەوە
ژێدەرەکێ ئەولەهی بۆ ئێن ئاڕ تی ڕاگەهاند، ل قەزا تارمییە ل باکورێ بەغدا د ئەنجامێ تەقینا دوو بۆمبێن چاندی یێن داعشێ ب دوو ترۆمبێلێن هێزێن ئەولەهی ڤە تەقیان و ١٠ ئەندامێن وان ژیانا خۆ ژدەستدا.
وی ژێدەری ئاشکەراکر، ترۆمبێلێن وان ژ جۆرێ "هەمەڕ"بوون و د ئەنجامێ تەقینێ دا ئەندامەکێ هێزێن "سەحوە" برینداربوو.
بەریا نها ژی، شانەیا ڕاگەهاندنا ئەولەهی ڕاگەهاندبوو، بۆمبەکا چاندی ل قەزا تارمییە ل باکورێ باژێرێ بەغدا ب ترۆمبێلێن هەمەڕ یێن فەوجا ٣ یا لیوایا ٥٩ێ ل فرقەیا شەش یا ئارتێشا عێراقێ ڤە تەقیابوو.
دیارکربوو، د ئەنجامێ تەقینێ دا چار سەربازان ژیانا خۆ ژدەستدایە و هێزێن ئەولەهی دەست ب ڤەکۆلینان کریە ب ئارمانجا دەستەسەرکرنا وان ئەندامێن داعشێ کو پشکداری کریە د وان هیرشاندا.
دەمەکە هێرشێن چەکدارێن داعش ل چەند دەڤەرین عیراقێ دا زێدەکریە و شارەزایێن ئەولەهی سەرباز ژی بحسا وێیەکی دکەن، کو داعشێ دڤێت خۆ دروست بکەت.
م.م