فۆتۆ:
2021-04-30
398 جار خوێندراوەتەوە
کۆمسیۆنا سەربەخۆیا هەلبژارتنێن عێراقێ د داوی ئاماردا ئەشکەراکر، بۆ هەلبژارتنێن بەروەخت یێن عێراقێ هزار و ١١٦ بەربژێران خۆ تۆمارکریە و ٢٦٥ حزبان مۆلەتا کارکرنێ پێ هاتیەدان. هەڤدەم، "١ی گۆلانێ بۆ دەما خۆ تۆمارکرنا حزبان و بەربژێران دهێت".
جومانە غەلای پەیڤدارێ کۆمسیۆنا سەربەخۆیا بلند یا هەلبژارتنێن عێراقێ د کۆنفرانسەکێ نووچەیدا ڕاگەهاند، رۆژا شەمبیێ ١ی گۆلانێ دەما تۆمارکرنا حزبان و هەڤپەیمانان و بەربژێران دێ ب داوی هێت.
ڕاگەهاند ژی، هەیا ئێڤارا رۆژا پێنجشەمبی هزار و ١١٦ بەربژێران خۆ تۆمارکریە و ل ١ی گۆلانێ چ بەربژێرەکێ دی نەشێت خۆ تۆمار بکەت.
لگورەی داوی ئامارێن کۆمسیۆنێ، ٣٨ هەڤپەیمانێن سیاسی خۆ تۆمارکریە و مۆلەت پێ هاتیەدان و هاتینە پەسەندکرن و ژ وێ هژمارێ ژی ١٨ هەڤپەیمان ب ژڤانن پشکداریێ د هەلبژاراتنێن بەروەخت دا بکەن. د دەمەکیدا ١١ هەڤپەیمانێن دی چاڤەڕێنە خۆ تۆماربکەن.
ئەڤە د دەمەکیدایە، هەرئێک ژ پارتی و باسکا سەدر گۆتۆبێژ دەربارەی لهەڤتێگەهشتنێ ئەنجامدا. هەڤدەم، مستەفا کازمی سەرۆک وەزیرێن عێراقێ ڕاگەهاند بوو، کو نە ئەو و نە ئەو باسک و ئالیین نێزیکن ژوان خۆ بۆ هەلبژارتنێن بەروەخت یێن عێراقێ، کو بڕیارە ل ١٠ی تشرینا ئێکێ یا ئەڤسالە برێڤە بچیت، بەربژێر ناکەن.
م.م