فۆتۆ:
2021-04-30
312 جار خوێندراوەتەوە
ژێدەرەکی ژ پولیسێن پارێزگەها دیالا ڕاگەهاند، د ئەنجامێ هێرشەکا چەکدارێن داعشێ بۆ سەر زالگەهەکا سەربازی ل نێزیک قەزا خانەقین، سەربازەک برینداربوو.
ئەڤرۆ ئەینی، ژێدەرەکی ژ پۆلیسێن دیالا بۆ میدیایێن عێراقێ ڕاگەهاند، چەند چەکدارێن داعشێ هێرش کریە سەر بنگەهەکێ سەربازی ل گوندێ ئەحمەد هیلالی یێ سەر ب قەزا خانەقین ڤە و د ئەنجامێ هێرشا داعشێ دا دگەل هێزێن سوپایێ عێراقێ، سەربازەک برینداربوو.
شەڤا دەربازبووی ژی، چەکدارێن داعشێ هێرش کرە سەر پۆلیسێن باژارۆکێ داقوق ل نێزیک گوندێ "کەلۆزی" ل باشورێ کەرکوکێ، د ئەنجامدا پۆلیسەک هاتە کوشتن و دوویێن دیژی برینداربوون.
ل رۆژا ٢٦ی ڤێ مەهێ ژی، چار چەکداران هێرشکرە سەر گوندەکێ سنورێ قەزا خانەقین و موختارێ گوندی کوشت.
ئەڤە ژی ددەمەکیدایە، دناڤ بەشەک ژ دەڤەرێن ئاریشە لسەر ژبەر نەبوونا هەماهەنگیێ دناڤبەرا هێزێن ئەولەهی و هەبوونا فرە هێزیێ د دەڤەرێ دا، بوویە ئەگەر چەکدارێن داعشێ چالاکی و ڤەلڤینێن خۆ زێدەتر بکەن و وان ڤالاهیان ب کاربئینن و شەڤانە هێرش بکەنە سەر گوند و باژارۆکێن سنوری و د پرانیا هێرشان دا وەلاتی بووینە قوربانی.
م.م