فۆتۆ:
2021-04-27
186 جار خوێندراوەتەوە
ژ کارکەفتنا سیستەمێ ئاگەهدارکرنێ، ئاگر ڤەمراندنێ، دەم بسەرڤەچوونا پێتڤیێن پزیشکی و نەبوونا دەرمانێ پێتڤی ل نەخۆشخانێ، لیستا سەدەمێن بویەرا کارەساتا نەخۆشخانا ئیبن خەتیبن، کو کەسوکارێن قوربانیان و شاهد حالان و تیما پزیشکی یا نەخۆشخانێ ئاشکراکریە.
ئاژانسا نوچەیێن رۆیتەرز ژ زاردەڤێ محەمەد عەتار ژ کەسوکارێن ئێک ژ وان کەسێن ل بویەرا نەخۆشخانێ دا ژیانا خۆ ژ دەستدای بەلاڤکر، پێتڤی و کەلوپەلێن نەخۆشخانێ هەمی دکەڤنن، ل سیستەمێ ساخلەمیا عێراقێدا چ تشتەکێ نوی نینە.
ئەتهەر مالکی ژی کو ئێک ژ ئەندامێن خێزانەکا ل بویەرێ دا ژ دەستدای ئاشکراکر، دەستهەلاتدارێن عێراقێ بێدەستهەلاتن ل بەرگرتن ژ رووینەدانا بویەرا ژ نشکەکێ ڤە و کونترۆلکرنا وێ، هەروەسا دبێژیت، "نەخۆشخانەیەک بۆ چارەسەریا کۆرۆنایێ بهێتە تەرخانکرن، لێ لسەر ئاستێ وەزارەتا ساخلەمیێ ژی نەشێن سەرپەرشتیێ بکەن ئەڤە تاوانە، کو نەخۆشخانەیەک دهێتە سوتن و ترومبێلا ئاگر ڤەمراندنێ نەشێت دەملدەست بگەهیتە سەر بویەرێ."
هەڤدەم، جەودەت عەبدولرەحمان پەیڤدارێ رێڤەبەریا بەرەڤانیا شارستانی یا عێراقێ ڕاگەهاند، "رێڤەبەرێ نەخۆشخانێ و فەرمانگەها ساخلەمیێ ل هەبوونا بنپێکاریێن یاسایی ژ مەرجێن سلامەتی ئاگەهدارکرینە، لێ ل دیڤ دەنگێ مە نەهاتن."
ل پشتی بویەرێ ژی، سەرۆکوەزیرێن عێراقێ بریارا دویرئێخستنا وەزیرێ ساخلەمی و پارێزگارێ بەغدا و رێڤەبەرێ ساخلەمیا ناڤچەیا رەسافە دەرخست.
هـ.ر