فۆتۆ:
2021-04-26
225 جار خوێندراوەتەوە
وەزارەتا ساخلەمیا عێراقێ ڕاگەهاند، د دەما ٢٤ دەمژمێرێن دەربازبووی دا پێنج هزار و ٤٢٧ حالەتێن نوی ب ڤایرۆسێ کۆرۆنایێ هاتینە تۆمارکرن و ٣٥ کەسان ژیانا خۆ ژ دەستدایە. ل هەرێمێ ژی ، هزار و ٤٢٧ کەس توشی ڤایرۆسی بوینە و ١١ حالەتێن ژیان ژ دەستدانێ ل کوردستانێ هاتینە تومارکرن.
ئەڤرۆ دووشەمبی، وەزارەتا ساخلەمیا عێراقێ د ڕاگەهاندنەکێ دا بەحسا وێیەکێ کر، د دەما ٢٤ دەمژمێرێن دەربازبووی دا پێنج هزار و ٤٢٧ کەس ل پارێزگەهێن باشور و ناڤەراستا عێراقێ توشی ڤایرۆسێ کۆرۆنایێ بوون. د دەمەکیدا ل هەرێمێ هزار و٤٢٧ کەس توشی ڤایرۆسی بوون.
د ڕاگەهاندنێدا هاتیە، د دەما ٢٤ دەمژمێرێن دەربازبوویدا شەش هزار و ٩٨٩ کەس ل پارێزگەهێن باشور و ناڤەراستا وەلاتی ژ ڤایرۆسی چارەسەربووینە و ل هەر سێ پارێزگەهێن هەرێمێ، ٩٢١ کەس ژ ڤایرۆسی چارەسەربووینە.
ئاماژە ب وێیەکێ کر، ل هەمی پارێزگەهێن باشور و ناڤەراستا عێراقێ دا ٤٦ کەسان ب سەدەما ڤایرۆسێ کۆرۆنایێ ژیانا خۆ ژ دەستدایە، لدێڤ وێ رێژەیێ ل هەرێمێ ١١ کەسان ژیانا خۆ ژدەستدایە.
پشتی بەلاڤبوونا ڤایرۆسێ کۆرۆنایێ ل سالا ٢٠١٩ێ ل باژارێ وهانێ ل چینێ، هەیا نها ل عێراقێ دەهـ ملیۆن و ٣٧٨ کەس توشی ڤایرۆسی بووینە، هەڤدەم ٩١٣ هزار و ٢١١ کەس چارەسەربووینە و ١٥ هزار و ٣٠٣ کەسان ژی ب سەدەما ڤایرۆسی ژیانا خۆ ژ دەستدایە.