فۆتۆ:
2021-04-26
706 جار خوێندراوەتەوە
ڕێڤەبەریا کۆمپانیا بازرگانی یا ئاهێن خارنێ یا سەر ب وەزارەتا بازرگانیا عێراقێ ڤە ڕاگەهاند، بەشێ ئاهێن خارنێ بۆ ئەڤسالە دێ بەردەوام بیت و ماددەیێن ئار و رۆن و برنج و شەکر بخۆڤە دگریت.
شەوکەت محەمەد ڕێڤەبەرێ کۆمپانیا بازرگانی یا ئاهێن خارنێ یا سەر ب وەزارەتا بازرگانیا عێراقێ ڤە بۆ ئێن ئاڕ تی ڕاگەهاند، هەرچەندە هەیا نها رێنمایێن نوی دەرنەکەتینە، لێ وەلاتیان پشڕاست دکەین کو بەشێ ئاهێن خارنێ بۆ ئەڤسالە دێ بەردەوام بیت و ماددەیێن ئار و رۆن و برنج و شەکر بخۆڤە دگریت.
د بودجەیا ئەڤسالە یا عێراقێ دا، کۆژمێ ٦٤٨ ملیار دینار بۆ بەشێ ئاهێن خارنێ تەرخانکرینە و د نهادا وەزارەتا بازرگانیا عێراقێ مژویلی دەرئێخستنا رێنمایانە بۆ پارڤەکرنێ.
لدیڤ رێنمایێن نویێن وەزارەتا بازرگانیا عێراقێ، هە وەلاتیەکێ موچەخۆر، موچەیێ وی ژ ئێک ملیۆن و ٥٠٠ هزار دیناران زێدەتربیت، بەشێ خۆراکێ وی دێ هێتەبڕین.
سیستەمێ بەشێ ئاهێن خارنێ د عێراقێ دا ل گورەی بڕیارا هژمارە ٦٦١ یا جڤاتا ئاسایشا ناڤدەولەتی ژ ٦ی تەباخا ١٩٩٠ وەرە کەفتیە د بوارێ جێبەجێکرنێ دا و ٩٠% خێزانێن عێراقێ پشتا خۆ پێڤە گرێددەن.