فۆتۆ:
2021-04-25
297 جار خوێندراوەتەوە
جڤاتا وەزیرێن عێراقێ ل جڤینا ئەڤرۆ دا تایبەت ب کارەساتا ئاگرکەفتنا نەخۆشخانا ئیبن خەتیب بریاردا ب پێدانا رێژا ١٠ ملیۆن دینارێن عێراقی بۆ هەر قوربانیەکێ.
نڤیسینگەها ڕاگەهاندنا مستەفا کازمی سەرۆکوەزیرێن عێراقێ د ڕاگەهاندنەکێدا بریاردا هەر قوربانیەکێ نەخۆشخانەیا ئیبن خەتیب ب ١٠ ملیۆن دینارا بهێتە قەرەبووکرن، هەڤدەم، پشتی کو شەڤا دەربازبووین ئاگر ل نەخۆشخانەیەکا بەغدایا پایتەختێ عێراقێ کەفتی، ژ سەدەما وێ یەکێ ئەڤرۆ، مستەفا کازمی سەرۆکوەزیرێن عێراقێ بریاردا، وەزیرێ ساخلەمی و پارێزگارێ بەغدا و رێڤەبەرێ گشتیێ ساخلەمیا رەسافە ل سەر کاری لابدەت.
د ڕاگەهاندنێ دا ژی ئەو یا هاتی، کازمی هەر ئێک ژ وەزیرێ ساخلەمی و پاریزگارێ بەغدا و رێڤەبەرێ گشتیێ ساخلەمیا رەسافە لسەر کارلابر و رەوانەی ڤەکولینێ کرن.
ئەو ژی بەرچاڤکر، پێتڤیە ل دەما پێنج رۆژا دا ڤەکولین بهێنە تەمامکرن و ئەنجامان ل بەردەم جڤاتا وەزیران بەرچاڤبکەن، بۆ ڤەکولینا ژی دشێن مفای ژ بسپۆرێن ساخلەمی و نافخۆ وەربگریت.
هـ.ر