فۆتۆ:
2021-04-25
518 جار خوێندراوەتەوە
پشتی ل شەڤا دەربازبووی، ئاگر ب نەخوشخانەکا بەغدا یا پایتەختێ عێراقێ کەفتی، بوی سەدەمێ ئەڤرۆ، مستەفا کازمی سەرۆکوەزیرێن عێراقێ بڕیاردا، وەزیرێ ساخلەمیا عێراقێ و دوو بەرپرسێن بلندێن عێراقێ لادان.
ئەڤرۆ ئێکشەمبێ، نڤیسینگەها مستەفا کازمی سەرۆکوەزیرێن عێراقێ ڕاگەهاندنەک بەلاڤکریە و تێدا هاتیە، د جڤینەکێدا کازمی لژنەیەک ب سەرپەرشتیا وەزیرێ ناڤخۆ و ئەندامەتیا وەزیرێ پلاندانانێ و وەزیرێ داد و سەرۆکێ دەستەیا دەستپاکی و سەرۆکێ دیوانا چاڤدێریا دارایی یا فیدڕالی و نوێنەرەکێ پەرلەمانێ عێراقێ وەک چاڤدێر پێکئینا بۆ ئەنجامدانا ڤەکۆلینان لسەر بوویەرێ.
د ڕاگەهاندنێ دا هاتیە، کازمی هەرئێک ژ وەزیرێ ساخلەمیێ و پارێزگارێ بەغدا و ڕێڤەبەرێ گشتیێ ساخلەمیێ ل رەسافە لسەر کاری لادان و هاتنە رەوانەکرن بۆ ڤەکۆلینێ.
ئەوژی دیارکریە، پێتڤیە ل دەما پێنج رۆژان ڤەکۆلین ب داوی بهێت و ئەنجامان بئێخنە پێشیا جڤاتا وەزیران، بۆ ڤەکۆلینان ژی دشێت مفای ژ پرۆسێن ساخلەمی و ناڤخۆ وەربگریت.
ئەڤە د دەمەکیدایە، شەڤا دەربازبووی ئاگر ب نەخۆشخانەیا ئیبن خەتیبی یا تایبەت ب چارەسەربوونا کۆرۆنایێ ل دەڤەرا پرسی یا دیالە ل بەغدا کەفتیە و ب وێ سەدەمێ لگورەی وەزارەتا ناڤخۆیا عێراقێ ٨٢ کەسان ژیانا خۆ ژدەستدا و ١١٠ کەس ژی برینداربوون.