فۆتۆ:
2021-04-25
182 جار خوێندراوەتەوە
وەزارەتا ناڤخۆ یا عێراقێ بەلاڤکریە، د بوویەرا شەڤا دەربازبوویدا ل نەخۆشخانا ئیبن خەتیب ل بەغدا ٨٢ کەسان ژیانا خۆ ژدەستدایە و ١١٠ کەس ژی برینداربوون.
وەزارەتا ناڤخۆ یا عێراقێ ڕاگەهاند، "ڤەکۆلینێن مە د بەردەوامن و ب دویر ژی دزانین کو کارەکێ تاوانکاری بیت".
پشتی بوویەرێ مستەفا کازمی سەرۆکوەزیرێن عێراقێ دگەل ئالیێن پەیوەندیدار جڤینەک ئەنجامدا و تێدا ئەو بوویەرە ب "لێدان ل ئاسایشا نەتەوایەتی" وەسفکر و گەف ل وان هەمی کەسان کرن کو کیمترخەمی کرییە، هەڤدەم، حکومەتا عێراقێ سێ رۆژان ماتەمینی ل سەرانسەری وەلاتی دا ڕاگەهاند.
د کارڤەدانا بوویەرێدا، نێچیرڤان بارزانی سەرۆکێ هەرێما کوردستانێ د پەیامەکێدا ئامادەیا نەخۆشخانێن هەرێمێ بۆ پێشوازیکرنێ ل بریندارێن بوویەرێ دەربڕی، هەڤدەم، داخاز دکەت سەدەمێن ئاگرکەفتنێ بهێنە ئەشکەراکرن و "ڤەکۆلین ل هەر کێمترخەمیەکێ" بهێتەکرن.
ژ ئالیێ خۆ ڤە، مەسرور بارزانی سەرۆکێ حکومەتا هەرێما کوردستانێ گوتبوو، ئامادەینە بۆ هەمی هەڤکاریەکا پێتڤی بۆ بەغدا.
ئەڤە د دەمەکیدایە، شەڤا دەربازبووی ئاگر ب نەخۆشخانەیا ئیبن خەتیبی یا تایبەت ب چارەسەربوونا کۆرۆنایێ ل دەڤەرا پرسی یا دیالە ل بەغدا کەفتیە و ب وێ سەدەمێ لگورەی وەزارەتا ناڤخۆیا عێراقێ ٨٢ کەسان ژیانا خۆ ژدەستدا و ١١٠ کەس ژی برینداربوون.
م.م