فۆتۆ:
2021-04-24
177 جار خوێندراوەتەوە
سەرۆکا دەستەیا وەبەرهێنانا عێراقێ ڕاگەهاند، گەندەڵیەکا زێدە د کەرتێ وەبەرهێنانا عێراقێ دا هەیە، د ڤان سالێن داویێ دا دوو هزار و ٣٢٢ پرۆژە پێشکێشی دەستەیا وان هاتیە کرن، کو بتنێ ٦١٣ پرۆژە ب کریار کار تێدا هاتیە کرن، زیدەتر ژ هزار پڕۆژەیان ژی وەهمی بووینە.
سوها نەجار، سەرۆکا دەستەیا وەبەرهێنانا عێراقێ بۆ کەنالێ حوڕە ڕاگەهاند، ئەگەر دادگەهـ رۆلێ خۆ ببینیت، دکارن دەهان ملیار دۆلاران بۆ گەنجینەیا دەوڵەتێ ڤەگەرینن، ئەڤە ژی ژبلی هەمی ئەو زەڤیان ژی، کو بناڤێ وەبەرهێنانێ دەست بەسەردا هاتیە گرتن.
دبێژیت ژی، ب بهایێ زێدەتر ژ حەفتێ ملیار دۆلاران دەستبسەر زەڤیاندا هاتیە گرتن.
بەحسا وێیەکێ ژیکر، حکومەتا عێراقێ مۆلەتا وەبەرهێنانا زیدەتر ژ هزار پڕۆژەیان هەلوەشاندیە، کو ڕێژەیا وەبەرهێنانێ تێدا سفر بوو یان گەلەک یا کێم بو.
ئاماژە ب وێیەکێ ژیکریە، پێشبینی دهێتە کرن ئەم ب ڕێکارێن نوی، دەهان تریلیۆن دینارێن عێراقی بۆ گەنجینەیا دەوڵەتێ و هزاران دونەمێن زەڤیان بۆ وەبەرهێنان ڤەگەرینن.
ژێدەرەکی ژ جڤاتا وەزیرێن عێراقێ ڕاگەهاند، مستەفا کازمی، فشارێن نوی ئێخستیە سەر ژێدەرێن گەندەلیێ بۆ هندێ وان هشک بکەت.