فۆتۆ:
2021-04-24
283 جار خوێندراوەتەوە
وەزارەتا ساخلەمیا عێراقێ ڕاگەهاند، هەڤبەستەکا نوی دگەل کۆمپانیا فایزەر یا ئەمریکی ئیمزاکریە بۆ دابینکرنا چار ملیۆن و پێنج سەد هزار قورچێن ڤاکسینا فایزەر، کو دێ پشکا هەرێمێ ژی دگەلدابیت.
وەزارەتا ساخلەمیا عێراقێ د ڕاگەهاندنەکێدا بەلاڤکریە، حەسەن تەمیمی وەزیرێ ساخلەمیێ هەڤبەستەکا نوی دگەل کۆمپانیا فایزەر یا ئەمریکی ئیمزاکریە بۆ دابینکرنا ڤاکسینێ فایزەر.
ئەڤە د دەمەکیدایە، هەیا نها، زێدەتر ژ ٦٣٥ هزار قورچێن ڤاکسینان ب دژی کۆرۆنایێ ژ هەر سێ جۆرێن فایزەر و ئەسترازینیکیا و سینۆفارم یێ چینی گەهستیە عێراقێ، ب هژمار نێزیکی ٧١ هزار بۆ هەرێمێ هاتینە هنارتن.
لگورەی ئامارێن وەزارەتا ساخلەمیا هەرێما کوردستانێ و عێراقێ هەیا نها بەشەکێ زۆر ژ وان قورچێن ڤاکسینان هاتینە بکارئینان.