فۆتۆ:
2021-04-24
331 جار خوێندراوەتەوە
سەرۆکێ رەوتا سەدر ل عێراقێ د تویتەکیدا هێرش کرە سەر وان گرۆپێن هێرشێ دکەنە سەر هێزێن هەڤپەیمانان، هەڤدەم، چەند ئالیەک ب توهمەتا بزاڤکرن بۆ پاشداخستنا هەلبژارتنێن بەروەخت توهمەتبارکرن.
موقتەدا سەدر سەرۆکێ رەوتا سەدر ل عێراقێ د تویتەکیدا ئەشکەراکر، چەند ئالیەک ب چەندین سەدەما ب ژڤانن ئارامی و ئاسایشا عێراقێ تێکبدەن.
ڕاگەهاند ژی، ب وی کاری دڤێت هەلبژارتنێن بەروەخت بهێنە پاشداخستن یان ب هێنە ژناڤبرن هەیا نەهێنە ئەنجامدان.
ئەوژی دیارکر، ئەو ئالیە ب رێکا هێرشکرنا سەر هێزێن بیانی ئارامیا عێراقێ تێکددەن و هێجەتان دروست دکەن بۆ مانا وان هێزان د وەلاتی دا کو نەهێنە ڤەکێشان.
دبێژیت، مانا هێزێن بیانی ژی سەدەمە بۆ مانا گرۆپێن چەکدار و دەست تێوەردانا عێراقێ د هەڤرکیا دەرەکی دا کو پەیوەندی ب ئاریشەیێن دناڤبەرا سوریا و ئیسرائیلێ دا هەیە.
ئەڤەژی ددەمەکیدایە،ل دەمێ دەربازبوویدا چەندین جاران هێرش کریە سەر بنگەهێن سەربازیێن ئەمریکا و هەردوو بالافڕخانێن ناڤدەولەتی یێن بەغدا و هەولێرێ و کاروانێ هێزێن هەڤپەیمانان د عێراقێ دا، ب وێ سەدەمێ چەندین سەرباز و خەلکێ سڤیل ژیانا خۆ ژدەستدایە و برینداربوون و کارڤەدانا دەرەکی و ناڤخۆی لێکەڤتیە و گروپێن چەکداریێن نێزیکی ئیرانێ هاتینە توهمەتبارکرن ب ئەنجامدانا وان هێرشان.