فۆتۆ:
2021-04-20
408 جار خوێندراوەتەوە
دەستەیا دەستپاقژیا عێراقێ ڕاگەهاند، د ددەما مەها دەربازبوویدا هەشت فەرمانێن دەستەسەرکرنێ و ٥٠ فەرمانێن داخازکرنێ بۆ ڤەکۆلینێ ب توهمەتا گەندەلیێ، بۆ هژمارەکا بەرپرسیاران دەرئێخست و حەفت توهمەتباران ژی وەلات بجهـ هێلایە.
د ڕاگەهاندنەکێدا، فەرمانگەها ڤەکۆلینا یا سەر ب دەستەیا دەستپاقژیێ ڤە بەلاڤکریە، د ددەما مەها دەربازبوویدا، هەشت فەرمانێن دەستەسەرکرنێ و ٥٠ فەرمانێن داخازکرنێ بۆ ڤەکۆلینێ ب توهمەتا دەست هەبوون د گەندەلیێ دا، بۆ هژمارەکا بەرپرسیارێن بلند دەرئێخستیە.
ئاماژە بوێیەکێ ژیکر، ئەو فەرمانە بۆ ئەندامەکێ نها و ئەندامەکێ بەرێ یێن جڤاتا نوینەرێن عێراقێ، و وەزیرەکێ بەرێ و بریکارەکێ بەرێ یێ وەزارەتەکێ و پارێزگارەکێ نها و پارێزگارەکێ بەریا نها، دگەل ٢٥ ڕێڤەبەرێن گشتی یێن نها و بەریا نها، دوو قائیمقام و ٢٢ ئەندامێن جڤاتا پارێزگەهان دەرئێخستیە.
دەستەیا دەستپاقژیێ بەحسا وێیەکێ ژیکر، حەفت ژ توهمەتبارێن گەندەلی کری بەرەڤ ژدەرڤەی عێراقێ رەڤینە، د نهادا بزاڤێن وان بۆ ڤەگەراندن و دادگەهکرنا وان د بەردەوامن.