فۆتۆ:
2021-04-19
331 جار خوێندراوەتەوە
لژنا پەترۆل و وزە ل پەرلەمانێ عێراقێ داخازێ ژ سەروکایەتیا جڤاتا وەزیران و وەزارەتا پەترۆلێ کریە، لەزێ بکەن ل هەموارکرنا یاسایا پەترۆل و غازێ بۆ پەرلەمانی رەوانە بکەن.
سادق سەلیتی ئەندامێ لژنا پەترۆل و وزە ل پەرلەمانێ عێراقێ بو رۆژناما فەرمی وەلاتی ڕاگەهاند، یاسایا پەترۆل و غازێ ژ گرنکترین یاسایێن ژ کارکەفتینە، هەر ژبەر هندێ لژنا وان داخاز ژ مستەفا کازمی سەرۆکوەزیران و وەزارەتا پەترۆلێ کریە لەزێ بکەن ل هەموارکرنا وێ یاسایێ و ب مەبەستا پەسەندکرنێ رەوانەی پەرلەمانی بکەن.
ئەو یەک ژی بەرچاڤکر، ئەو یاسا ل کارناما حکومەتێ دا یا هەی تا کار ل سەر تەمامکرن و چارەسەرکرنا هندەک ژ برگەیان بکەت کو ناکوکی لسەر هەنە.
هەڤدەم، ئاماژە ب وێ یەکێ ژی دا، ئەڤێ یاسایی چارەسەریا ریشەیی ئاریشین دناڤبەرا حکومەتا فیدرال و هەرێمێدا دکەت، ل دەمەکیدا هەمی سالەکێ ل پرۆژە یاسایا بودجەدا ئاریشە لسەر میکانیزما چارەسەرکرنا رادەستکرنا رێژا پەترۆلا هەرێم و پشک و شایستێن دارایی دروست دبیت.
هـ.ر