فۆتۆ:
2021-04-18
185 جار خوێندراوەتەوە
وەزیرێ کار و کاروبارێن جڤاکی یێ عێراقێ ڕاگەهاند، ل ڤان نێزیکان فۆڕما ئەلیکترۆنیا تایبەت ب وان کەسێن، کو موچەیێ چاڤدێریا جڤاکی وەردگرن دێ هێتە کاراکرن.
عادل ریکابی وەزیرێ کار و کاروبارێن جڤاکی ل عێراقێ د ڕاگەهاندنەکێدا بەلاڤکریە، وەزارەتا وان ئامادەکاریێن تایبەت ب ڤەکرنا فۆرما ئەلیکترۆنی تەمام کریە، د نهادا قۆناغا تەمامبوونێ دایە ب مەرەما تۆمارکرنا تەڤاهیا وان کەسێن هاریکاریا تۆرا چاڤدێریا جڤاکی ڤەدگریت.
ئاماژە بوێیەکێ ژیکر، دەرگەهێ رازیبوونێ یێ ڤەکریە بۆ موچەیێ تۆڕا پاراستنا جڤاکی ژبەر تایبەتمەندیێن وان، کو بۆ دەستەیا تۆڕا جڤاکی د بودجەیا سالا ٢٠٢١دا دیارکریە.
د بەشەکێ دیێ ڕاگەهاندنێدا بحسا وێیەکێ کریە، ئەو کۆژمێ د وەزارەتا دارایی بۆ دەستەیێ هاتیە دیارکرن، هاتیە زێدەکرن.
عادل ریکابی ئەوژی دیارکر، پلانێن هویر داناینە دەربارەی وان کەسێن تۆڕا پاراستنا جڤاکی ڤەدگریت، ئەوژی ب مەرەما دووبارە نەکرنا شاشیێن بووری.