فۆتۆ:
2021-04-15
917 جار خوێندراوەتەوە
ئەڤرۆ دەما کو رێکخراوەکێ ب هەفکاری دگەل هێزێن عێراقێ خانیەکێ وێرانکری ل تاخێ شەهوان یاگرێدای موسلا کەڤن کوژئەنجامێ بومبەبارانا بالەفرێن عێراقێ دشەرێ رزگارکرنا موسلێ ددەستێ داعشدا وێران ببوو پتر ژ ئێک ملیون دولارێن ئەمریکی دگەل چەندین کیلویێن زێزی ودراڤەکێ نوی کو ژ زێری وزیڤی هاتبوونە چێکرن هاتنە دیتن .
ئێک ژوەلاتیێن وی تاخی بو ئێن ئاڕ تی دا دیارکرن ، ئەو جهێ کوژمێ پارەی لێ هاتیە دیتن دگوتن بیت المال واتە جهێ خزینا رێکخراوا داعش بویە ل سالا ٢٠١٤ێ تاکو ٢٠١٦ێ وهەمی پارە ل وێرێ دهاتە خرڤەکرن ، هەروەسا وێ رێکخراوێ کارێ چاپکرنا دراڤێ زێری وزیڤی ژی دکر کو بێخیتە دبازاری دا هەرچەندە هندەک ژوی دراڤی هاتبو چاپکرن لێ نەگەهشت بێخیتە دبازاری دا .
ئەوی وەلاتی ئەو یەک ژی دادیارکرن ، دەما کو ئەو کوژمێ پارەی هاتیە دیتن ل دویڤدا هێزەکا لەشکەر وپولیسێن عێراقێ ئەو کوژمە رادەستی جهێن پەیوەندی دار کریە کو تێرا نوژەنکرنا وی تاخێ وێرانکری ب تەمامی هەبوویە .
زوربەیا تاخێن مویسلا کەڤن کو دکەڤیتە لایێ راستێ یێ وی باژێری ژئەگەرا شەرێ رزگارکرنا وی باژێری ژدەستێ رێکخراوا داعش وێرانبوینە .
نیهاد ئورەماری
هـ.ر
