فۆتۆ:
2021-04-15
1213 جار خوێندراوەتەوە
میدیایێن عێراقێ بەلاڤکریە، د رۆژهەلاتێ موسل دا بنگەهەکێ سەربازیێ هێزێن حەشدا شەعبی کریە ئارمانج.
میدیایێن عێراقی ژ زاردەڤێ ژێدەرەکێ ئەمنی ڕاگەهاند، ل گوندێ باسەخرە ل رۆژهەلاتێ پارێزگەها موسل دا بنگەهەکێ سەربازیێ سەر ب لیوایا ٣٠ یا هێزێن حەشدا شەعبی کرینە ئارمانج.
وی ژێدەری ئەمنی دایە دیارکرن، هێرش ب دوو موشەکان ئەنجامدایە.
شەڤا دەربازبووی، دەنگێ تەقینەکا مەزن ل هەولێرێ هاتە گوهلێبوون ل نێزیک بالەفڕخانەیا ناڤدەولەتیا هەولێرێ و دژە تیرۆرا کوردستانێ ژی دبێژیت، "موشەکەک ئاراستەی بالەفڕخانەیا ناڤدەولەتیا هەولێرێ کر".
رۆژا ١٥ی شوباتا ئەڤسالەژی، هەژمارەکا موشەکان ئاراستەی باژێرێ هەولێرا پایتەختێ هەرێمێ هاتنە کرن و تێدا نێزیکی هەشت کەسان برینداربوون و کەیەکێژی ژیانا خۆ ژدەستدا، وێ روویدانێ کارڤەدانێن ناڤخویی و ناڤدەولەتی لێکەفتن.
رۆژا ١٢ ڤێ مەهێژی، جڤاتا ئلسلیشا هەرێمێ دانپێدانێن چەند کەسان بەلاڤکرینە و بەحس ل وێیەکێ دکەن، ئەو کەسە ئەندامێن داعش بوون، و ب ژڤانبوون ب بومبێن چاندی و دەبانجێن بێدەنگ ل هەولێرێ چەند هێرشان ئەنجامبدەن.
هەڤدەم، مەسرۆر بارزانی سەرۆکێ حکومەتا هەرێمێ کوردستانێ، "هێزێن ئەمنی سەرکەفتیانە پلانەکا تیرۆرستێن داعش ل هەولێرێ ژ ناڤبر، کو ژ سوریێ پلان هاتیە رێکخستن و ئاراستە کرن".
مەسرۆر بارزانی بەحس ل وێیەکێ ژیکربوو، "داخاز ژ هەڤپەیمانێن هەڤبەش دکەم کو مەترسیا ڤان گەفان بۆ سەر ئاشتی و سەقامگێریا هەرێما کوردستانێ و درڤە ب گرنگی وەربگرن".