فۆتۆ:
2021-04-13
443 جار خوێندراوەتەوە
نڤێسینگەها ڕاگەهاندنا سەرۆککوەزیرێن عێراقێ د ڕاگەهاندنەکێدا دەربارەی بڕیارێن تایبەت ب مەها رەمەزانێ ل فەیسبوکی بەلاڤکریە و تێدا داخاز ژ وەزارەتا بازرگانی کریە، دوو جاران بەشێ خارنێ یێ مەهانە بهێتە دابەشکرن و رێگری ل گرانکرنا پێتڤیێن خارنێ بهێتە کرن.
نڤێسینگەها ڕاگەهاندنا مستەفا کازمی سەرۆککوەزیرێن عێراقێ د ڕاگەهاندنەکێدا بەلاڤکریە، داخاز ژ وەزارەتا بازرگانیا عێراقێ کریە ئامادەکاریان بکەت بۆ پارڤەکرنا بەشێ خارنێ یێ وەلاتیان زێدەتر ژ جارەکێ دڤێ مەهێدا و ئەوژی دیارکریە، بۆ رێگری کرن ل گرانبوونا بهایێ پێتڤیان و خارنێ دیڤداچون دێ هێتە کرن و دێ رێکارێن تایبەت بکارئینن.
بەحس ل وێیەکێ ژیکر، ئەو بازرگانێن بهایێ پێتڤیان بلند دکەن دێ رێکارێن یاسایی دگەل هێنە کرن.
ل مەها ئادارا دەربازبووی جڤاتا وەزیرێن عێراقێ بۆ رێگری کرن ل بلندبوونا بهایێ خارنێ بۆ هاتنا مەها رەمەزانێ شەش بڕیار دەرکرن و تێدا بەحس لوێیەکێ کربوو، ب بەردەوامی چاڤدێریا بازاری دهێتە کرن و رێکارێن یاسایی دگەل وان کەسان دێ هێنە بکارئینان، کو یاریا ب بهایێ خارن و کەرەستەیان دکەن.