فۆتۆ:
2021-04-10
574 جار خوێندراوەتەوە
شێورمەندێ بلندێ کاروبارێن سیاسەتا دەرڤەیا سەرۆکایەتیا هەرێمێ ڕاگەهاند، د دەما چەند رۆژین داهاتی دا، نێچیرڤان بارزانی سەرۆکێ هەرێما کوردستانێ ب مەرەما جڤینێ دگەل بەرپرسێ بلندێ حکومەتا عێراقێ و گۆتۆبێژکرنا پەیوەندیێن دووقولی دناڤبەرا واندا، دێ سەرەدانا بەغدا کەتن.
ئەڤرۆ شەمبیێ، د چاڤپێکەفتنەکێ دا، دگەل رۆژنامەیا سەباحا عێراقێ، فەلاح مستەفا شێورمەندێ بلندێ کاروبارێن سیاسەتا دەرڤەیا سەرۆکایەتیا هەرێمێ بەحسا وێیەکێ کریە، نێچیرڤان بارزانی سەرۆکێ هەرێما کوردستانێ، ب مەرەما گەشکرن و بهێزکرنا پەیوەندیێن بەغدا و هەولێرێ، د دەما چەند رۆژێن داهاتی دا دێ چیتە بەغدایا پایتەخت.
ئاماژە ب وێیەکێ ژی کر، ل چەند رۆژێن داهاتی دا، دەم و بەروارا سەرەدانێ دێ هێتە ئاشکراکرن و بریارەژی د کەڤانێ سەرەدانێ دا، چاڤێ وی ب سەرۆککۆمار و سەرۆک وەزیران و هەژمارەکا دی ژ بەرپرسێن بلند و کاربدەستێن حکومەتا ناڤەندی بکەڤیت.
ئەو سەرەدانا نێچیرڤان بارزانی، د دەمەکی دایە، ٣١ی مەها دەربازبووی، جڤاتا نوینەرێن عێراقێ پرۆژەیاسایا بودجەیێ ٢٠٢١ێ یێ فیدڕاڵی پەسەندکر، تێدا پشکا کوردان لدیف ماددێ ١١ێ پەسەندکر.
و.ح