فۆتۆ:
2021-04-09
361 جار خوێندراوەتەوە
شانەیا ئەولەکاریا عێراقێ ڕاگەهاند، ل نێزیک بارگەهێ عەین ئەسەد یا ئەسمانی ل پارێزگەها ئەنبار، دەست بسەر ٢٤ موشەک و سەکۆیەکێ هاڤێتنا موشەکان دا گرتنە، کو بزاڤ هاتنە کرن بهێنە ئاراستەکرن بۆ وی بارگەهی.
شانەیا ئەولەکاریا عێراقێ ڕاگەهاند، ب رێکا دیفچوون و توندکرنا بزاڤێن هەوالگریێ، ل رۆژئاڤایێ بارگەهێ سەربازیێ عەین ئەسەد یێ ئەسمانی دەست ب سەر ترۆمبێلەکا بارهەلگردا گرتیە، پشتی پشکنینان دەرکەتیە ترۆمبێلێ سەکۆیەکێ موشەک هاڤێتنێ و ٢٤ موشەک و هەژمارەکا جلوبەرگێن سەربازی تێدا ڤەشارتبوون.
ڕاگەهاند ژی، دەملدەست تیمێن ئەندازیاری گەهشتنە وی جهی و موشەک ژناڤبرن و ڤەکولین بەردەوامن.
بارگەهێ عەین ئەسەد یێ سەربازی ل پشتی بارگەهێ سەربازیێ بەلەدە، دووەم مەزنترین بارگەهێ سەربازی ل عێراقێ دهێتە دانان، کو دکەڤیتە دەڤەرا بەغدا ل پارێزگەها ئەنبار نێزیک رووبارێ فوراتە، دنهادا هێزین هەڤپەیمانیا ناڤدەولەتی دژی داعش تێدا جهگیرن.
و.ح