فۆتۆ:
2021-04-07
360 جار خوێندراوەتەوە
ساخلەمیا عێراقێ ڕاگەهاند، د ٢٤ دەمژمێرێن بووریدا، هەشت هزار و ٣٣١ حالەتێن توشبوونێ و ٣٧ حالەتێن ژیان ژدەستدانێ ب کۆرۆنایێ تومارکرینە. ل هەرێمێ ژی، هزار و ٢١٧ حالەتێن توشبوونێ و ١٣ حالەتێن ژیان ژ دەستدانێ تومارکرینە.
ئەڤرۆ چارشەمبیێ، وەزارەتا ساخلەمیا عێراقێ دڕاگەهاندنەکێدا بەحس لوێیەکێ کر، ل هەمی پارێزگەهێن باشووری و ناڤەراستا عێراقێ دا، هەشت هزار و ٣٣١ حالەتێن توشبوونێ ب کۆرۆنایێ تومارکرینە، د دەمەکێ دا ل هەرێمێ، هزار و ٢١٧ حالەتێن توشبوونێ ب
ڤایرۆسێ کۆرۆنایێ هاتینە تومارکرن.
ل گۆرەی ڕاگەهاندنا وەزارەتا ساخلەمیا عێراقێ، ل هەمی پارێزگەهێن باشووری و ناڤەراستا عێراقێ دا پێنج هزار و ٢٠ کەس ژ ڤایرۆسی چارەسەربووینە. د دەمەکێ دا ل هەرێمێ، ٤٠٨ حالەتێن چارەسەربوونێ هاتینە تومارکرن.
وەزارەتا ساخلەمیا عێراقێ ئاماژە ب وێیەکێ کریە، ل هەمی پارێزگەهێن باشوور و ناڤەراستا عێراقێ ٣٧ کەسان ب ڤایرۆسێ کۆرۆنایێ ژیانا خۆ ژ دەستدایە، ل هەرێمێ ژی ١٣ حالەتێن ژیان ژدەستدانێ هاتینە تومارکرن.
پشتی بەلاڤبونا ڤایرۆسێ کۆرۆنایێ ل سالا ٢٠١٩ێ ل باژێرێ وهانێ ل چینێ، هەیا نها د عێراقێدا ٨٩٥ هزار و ٦٦٢ کەس تووشی ڤایرۆسێ کۆرۆنایێ بووینە، هەڤدەم، ٧٩٤ هزار و ٤٤٤ کەس چارەسەربووینە و ١٤ هزار و ٥٧٢ کەسان ژی ب سەدەما ڤایرۆسی ژیانا خۆ ژ دەستدایە.