فۆتۆ:
2021-04-07
452 جار خوێندراوەتەوە
پەیڤدارێ ژوورا ئۆپەراسیۆنێن هەڤبەشێن عێراقێ ڕاگەهاند، ئەو پێگیرن لسەر لهەڤهاتنا شنگالێ و چ دیاردەیەکا چەکداری ل شنگالێ نینە، نوینەرێ هەرێمێ دبێژیت ژی، حکومەتا هەرێمێ ئامادەیە بۆ لهەڤهاتنێ، لێ حکومەتا عێراقێ پیگری لهەڤهاتنێ نابیت.
لیوا عەبدولخالق تەلعەت، نوینەرێ هەردوو وەزارەتێن نافخۆ و پێشمەرگەی ل ژوورا ئۆپەراسیۆنێن عێراقێ بۆ رۆپەلا فەرمیا پارتی ڕاگەهاندیە، "بریاربوو حکومەتا عێراقێ ل ١ی ٤ لهەڤهاتنا شنگالێ جێبەجێبکەت و هێزێن نەشەرعی دەربێخیت، لێ هەیا نها چ بەحس نینن بۆ جێبەجێکرنێ و لهەڤهاتن وەکی خۆ مایە، کو سەدەمێ جێبەجێنەکرنێ ژی، حکومەتا عێراقێ یە، ئەگەر نە حکومەتا هەرێما کوردستانێ ئامادەیە بۆ جێبەجێکرنا لهەڤهاتنێ".
بەحسا وێیەکێ ژی کریە، لهەڤهاتن دەربارەی دەڤەرێن دی یێن کوردستانێ ژی هەیە، ژونا ژی کەرکوک، لێ هەیا نها نەهاتیە جێبەجێکرن، کو دنهادا مەترسی لسەر وێ دەڤەرێ هەیە و ئەگەر رەوش ب ڤی ئاوای بیت و نەهێتە چارەسەرکرن، ل داهاتی داعش سەر کەرکوکێ دکەت.
رۆژا ٩ی تشرینا ئێکێ ٢٠٢٠ێ، حکومەتا هەرێم و حکومەتا فیدڕاڵ لسەر ئاسایکرنا رەوشا شنگالێ و دروستکرنا ئیدارەیەکا نوی بۆ قەزایێ لهەفهاتنەکا نوی ئیمزاکر.
و.ح