فۆتۆ:
2021-04-07
395 جار خوێندراوەتەوە
بریارە ئەڤرۆ چارشەمبی گەرا سێیێ یا گوتوبێژێن ستراتیجی دناڤبەرا عێراق و ئەمریکا برێکا ڤیدیۆکۆنفرانسا برێڤەبچیت. هەڤدەم، دۆسییەیێن ئێمناهیێ و بەرهنگاربوونا تیرورێ، ئابوری و وزە، بابەتێن سیاسی و هاریکاری د بیاڤێن پەروەردە و کەلتور دۆسیێن سەرەکیێن ناڤ گوتوبێژان بن.
ئەنتونی بلینکن وەزیرێ دەرڤەیێ ئەمریکا ل تویتەکێدا ئەو یەک بەرچاڤکر، دگەل فواد حسێن هەفتایێ ویێ عێراقی د چارچوڤێ گوتوبێژا ستراتیجی دناڤبەرا دوو وەلاتا دا هەمی کایەیێن پێتڤی ب پەیوەندیێن ستراتیجی دناڤبەرا وان دوو وەلاتادا شروڤە دکەن.
هەڤدەم، فوئاد حوسێن وەزیرێ دەرڤەیێ عێراقێ ڕاگەهاند، "قۆناغا سێیێ یا گوتوبێژێن ستراتیجی دگەل واشنتۆن، بۆ حکومەتا عێراقێ گرنگە و دێ سەحکەینە بهێزکرنا پەیوەندیێن دناڤبەرا عێراق و ئەمریکا ل گشت ئاستاند".
ژ ئالیەکێ دی، کاتیع ریکابی ئەندامێ لژنا ئاسایش و بەرەڤانی ل پەرلەمانێ عێراقێ ڕاگەهاند، گوتوبێژان تشتەکێ نوی تێدانینە، بەلکی درێژەپیدەر و تەمامکارێ وان گوتوبێژان بیت کو ل دەربازبوودا و لسەردەمێ نوری مالکی دەستپێکریە.
هەروەسا دبێژیت، ئەڤە دەستپێکەکا بنەرەتیە بۆ گوتوبێژکرن دەربارەی ڤەکێشانا هێزێن ئەمریکا ل عێراقێ کو ژ ٥ێ ١ یا ٢٠٢٠ێ پەرلەمانی بریار لسەر دای.
ل چەند رۆژێن دەربازبووی دا، وەزارەتا دەرڤە یا ئەمریکا ل تویتەری ڕاگەهاند، وەلاتێ وی ل ٧ێ نیسانێ برێکا ڤیدیۆکونفرانسەکێ دایێخستی دەست ب گوتوبێژێن ستراتیجی دگەل عێراقێدا دکەت.
بەشێ کاروبارێن رۆژهەلاتا ناڤەراست ل وەزارەتا دەرڤەیا ئەمریکا ڕاگەهاند، گوتوبێژ ل گورەی لهەڤهاتنا ستراتیجی یا سالا ٢٠٠٨ێ دناڤبەرا هەردوو وەلاتان برێڤەدچیت.
ئاماژە ب وێ یەکێ ژی دا، گوتوبێژێن دۆسیەیێن ئێمناهیێ و بەرهنگاربوونا تیرۆر و ئابوری و وزە و بابەتێن سیاسی و هاریکاریکرن د بیاڤێ پەروەردە و فێرکرن و کلتوری ڤەدگریت.
هـ.ر