فۆتۆ:
2021-04-06
592 جار خوێندراوەتەوە
هەبوونا ئێک ژێدەر بۆ دیارکرنا بهایێ دۆلاری بەرامبەر دیناری، جهگیرنەبوونا رەوشا ئابوری، پشت بەستن ب پەتڕۆلێ وەکی تاکە ژێدەرێ داهاتی، هەبوونا گەندەلیا دارایی و ئابوری؛ چار رێگریێن سەرەکینە ل بەردەم عێراقێدا تا بشێت بهایێ دۆلاری بەرامبەر دیناری ئازاد بکەت.
ل داویا سالا ٢٠٢٠ێ بانکا ناڤەندیا عێراقێ ب ئارمانجا باشتر ئیدارەکرنا قەیرانا ئابوری بهایێ دیناری بەرامبەر دۆلارێ ئەمریکی برێژا ٢٤% داکەت، بڤێ ژی بهایێ ئێک دۆلار بۆ بانکێن گشتی ب هزار و ٤٦٠ دینار و بۆ بازارێ ئاسایی ب هزار و ٤٧٠ دینارا دەستنیشانکر، ل دەمەکێدا بەریا نها ئێک دۆلار ب هزار و ١٨٢ دینارابوو.
هەڤدەم، ل گورەی سندوقا نەختا ناڤدەولەتی ل سالا ٢٠٢٠ێ ئابورێ عێراقێ ب رێژا ١١%ێ توشی پاشەکشێ و کورتئینانێ بوو.
بسپۆرێن ئابوری د وێ باوەرێ دا نە، ژ سەدەما وێ ٩٢%ێ داهاتێ عێراقێ بەندە لسەر داهاتێن پەترۆلێ و بەلاڤبوونا کۆرۆنایێ و زنجیرا نوی کاریگەری لسەر ئابوری هەبوو، پەنابرنا عێراقێ بۆ پالپشتیکرنا دیناری تا ب ئاوایەکێ ئازاد و ل گورەی خاست و بەرچاڤکرنا بهای جێگ
جێگیربکەت؛ پێنگاڤەکا درستە، لێ ژ سەدەما وێ ئابورێ عێراقێ ژ بنەرەتدا کشتوکالیە و پەترۆل ژی وەکی تاکە ژێدەرێ داهاتی پشت پێدبەستیت مفایەکێ بەرچاڤ نابیت.
مەنار عوبەیدی شارەزایا ئابوری ئەو یەک بەرچاڤکر، نەبوونا چەند ژێدەرێن جیاواز ژ دەستنیشانکرنا بهایێ دۆلاری بەرامبەر دیناری سەدەمە بۆ دەرکەفتنا بهایێ نەجێگیرێ دۆلاری و گرانبوونا پێتڤیان.
پێشبینیا وێ یەکێ ژی کر، بلندبوونا بهایێ کەل و پەل و پێتڤیان بەردەوام بیت و بهایێ ئێک دۆلار ژی تا هزار و ٥٠٠ دینارا بلندبیت، لێ ئەگەر رەوشا ئابوری بەرەڤ پێشچوون ب خۆڤە دیت دبیت بهایێ دیناری جارەکا دی بلندبیت.
ژ ئالیێ خۆ ڤە، ئوسامە تەمیمی شارەزایێ ئابوری ڕاگەهاند، ئازادکرنا بهایێ دیناری بەرامبەر دۆلاری پێتڤی ب پشتەڤانیا بەرهەمێ نافخۆیی و کێمکرنا پشت بەستن ب هنارتنا کەل و پەل و پێتڤیا ژ دەرڤە یا هەی.
هـ.ر