فۆتۆ:
2021-04-06
457 جار خوێندراوەتەوە
بەشیر حەداد ب میدیایا حزبا خۆ ڕاگەهاند، پرۆژەیاسایا بودجەیا عێراقێ؛ کو ل حەفتیا دەربازبووی ل پەرلەمانی هاتە پەسەندکرن، رەوانەی سەرۆک کوماری کر بو ئیمزاکرنێ.
بەشیر حەداد جێگری سەرۆکێ پەرلەمانێ عێراقێ ڕاگەهاندیە، ئەو پرۆژەیاسا رەوانەی سەرۆکایەتیا کوماری کر و چاڤەرێ دهێتەکرن ل چەند رۆژێن داهاتیدا، بەرهەم سالح سەرۆک کومارێ عێراقێ یاسایێ پەسەند بکەت.
پشتی پەسەندکرنا یاسایی ژ ئالیێ سەرۆک کوماری، دێ یاسایا بودجە چیتە بیاڤێ جێبەجێکرنێ.
ل ٣١ێ ئادارا ئەڤسالەدا و پشتی چەندین مەها ژ بزاڤان بۆ لهەڤهاتن لسەر پرۆژەیاسایا بودجەی، ل پەرلەمانێ عێراقێ گشت برگەیێن وێ پەسەندکرن و پاشان ژی بریار دا کو ل ٥ێ نیسانێ دا رەوانەی سەرۆکایەتیا کوماری بکەت.
پشتی زێدەتر ژ شەش مەها و ١٧ جار ژ هاتن و چوونا شاندێ هەرێمێ بۆ لهەڤهاتن دگەل بەغدا دا، ل داویێ دا گەهشتن ب لهەڤهاتن و ماددەیێ ١١ ژی د پرۆژەیاسایێدا کو یا تایبەتە ب کوردا پەسەندکر.
ل گورەی پرۆژەیاسای، حکومەتا هەرێمێ دێ هێتە پێگیرکرن ب وێ، ژ وی بەشی بودجەی دێ بو وان هنێریت موچەیێ موچەخۆران لێبدەت.
هـ.ر