فۆتۆ:
2021-04-04
1298 جار خوێندراوەتەوە
لژنا داراییا پەرلەمانێ عێراقێ ڕاگەهاند، پێشنیاز هاتیەکرن موچەیێ سێ مەهێن داهاتی یێ فەرمانبەران ب دۆلاری بهێتە خەرجکرن. دبێژیت ژی، "حکومەت ب چ ڕەنگا ناهێتە پابەندکرن ب جێبەجێکرنا وێ پێشنیازێ".
عەدنان زرفی ئەندامێ لژنا داریی ل پەرلەمانێ عێراقێ ڕاگەهاند، پێشنیازەک هەیە کو حکومەت مووچەیێ فەرمانبەران ب دۆلاری بهێتە پارڤەکرن، لێ بتنێ ئەو تشتێ بشێت جێبەجێ بکەت، بریتیە ل یاسایا و رێنمایێن جێگرکری یێن دناڤا بودجەی دا.
ئەو ژی زەلالکریە، ئەو پەرلەمانتارێن پێشنیازێ دکەن وەکی هزرکرنەک و بۆچوونێن دهێنەکرن تشتێ نوی تێدابیت، نەکو مەرجبیت بهێتە جێبەجێکرن.
ئاماژە ب وێیەکێ ژی کر، جێبەجیکرنا پێشنیازەکێ ل وی جوری دێ ڤەگەریتە ڤە بۆ سیاسەتا حکومەتێ و سیاسەتا نەختینەیا بەنکا ناڤەندی د پرۆسەیا جێبەجێکرنا ئالگورکرنا دراڤی دا.
ئەڤەژی ددەمەکی دایە، بەریا نها ئەرشەد سالح سەرۆکێ لژنا مافێ مروڤی ل پەرلەمانێ عێراقێ داخاز ل حکومەتێ کربوو موچەیێ سێ مەهێن داهاتی یێ فەرمانبەران ب دۆلاری بمەزێخیت.
و.ح