فۆتۆ:
2021-04-03
352 جار خوێندراوەتەوە
پەیڤدارێ وەزارەتا دەرڤە یا ئەمریکا ڕاگەهاند، سەربەخۆکرنا عێراقێ ژ کاریگەریێن ئیرانێ ژ کارێن دەسپێکی یێن ئەمریکا یە د بڕێڤە چوونا گۆتۆبێژێن ستراتیجی دناڤبەرا ئەمریکا و عێراقێ دا.
نیدا برایس پەیڤدارێ وەزارەتا دەرڤە یا ئەمریکا د کونفڕانسەکێ نووچەیی دا ڕاگەهاند، گۆتۆبێژێن دناڤبەرا ئەمریکا و عێراقێدا کو بڕیارە ل چارشەمبیا بهێت بڕێڤە بچن، وەلاتێ وی دئێخیتە دناڤ چارچۆڤێ ستراتیجیێ هەڤبەشێ حکومەتا عێراقێ. ڕاگەهاند ژی، "هیڤی خوازم لهەڤهاتنا هاوردەکرنا وزێ ژ ئیرانێ بۆ عێراقێ داوی پێ بهێت".
ئاماژە ب وێیەکێ ژیکر، بەریا نها دوو گەرێن گۆتۆبێژێن ستراتیجی دناڤبەرا ئەمریکا و عێراقێ بڕێڤە چوینە و گۆتۆبێژێن ئەڤجارەژی دێ ب مفایێ هەردوو وەلاتان بیت.
ئەڤە ددەمەکیدایە، پێشتر ژی عێراقێ داخازا ئەنجامدانا گۆتۆبێژێن ستراتیجی ژ ەمریکا کرب ب مەرەما ڤەکێشانا هێزێن وان ژ عێراقێ، هەڤدەم، جین ساکی پەیڤدارێ کوچکا سپی ڕاگەهاند، د مەها نیسانێ دا گۆتۆبێژێن ستراتیجی دناڤبەرا دوو وەلاتاندا دێ بڕێڤە چیت، چەند رۆژێن دەربازبووی ژی وەزارەتا دەرڤە یا ئەمریکا ئەشکەراکر، ل ٧ نیسانێ گۆتۆبێژ دێ بڕێڤە چن.