فۆتۆ:
2021-04-02
260 جار خوێندراوەتەوە
پەیڤدارێ فەرماندەیا ئۆپەراسیۆنێن هەڤبەشین عێراقێ ڕاگەهاند، حکومەتا ناڤەندی رژدە لسەر جێبەجێکرنا لهەڤهاتنا شنگالێ و دبێژیت ژی، د بودجەیا ٢٠٢١ێ دا چەند پلەیێن دامەزراندنێ بۆ خەلکێ باژێری د بیاڤێ ئێمناهیێ دا هاتینە دانان.
تەحسین خەفاجی پەیڤداری فەرماندەیا ئۆپەراسیونێن هەڤبەش ب ئاژانسا فەرمیا عیراقێ ڕاگەهاند، حکومەتا ناڤەندی لهەڤهاتنا شنگالێ جێبەجێ دکەت و رێکێ ژی ب دیاردا چەکداریا وێ قەزایێ نادەت ژبلی ئەو ئالیێن کو لهەڤهاتن لسەر هاتیەکرن. هەروەسا دبێژیت هێزێن ئێمناهیێ دشێن کۆنترۆلا رەوشا ئێمناهیا وێ قەزایێ بکەن.
پەیڤدارێ فەرماندەیا ئۆپەراسیۆنێن هەڤبەشێن عێراقێ ئاماژە ب وێ یەکێ ژی کر، حکومەت جدییە ژ ڤەکرنا بنگەهێن رەگەزنامە و دادگەهێ د وی باژێری دا.
ل مەها ١٠ێ سالا دەربازبووی، حکومەتا عێراق و هەرێمێ لهەڤهاتن کر لسەر ئاساییکرنا رەوشا شنگال و ڤەگەراندنا ئاواران بۆ وێ قەزایێ و دەرخستنا گروپێن چەکدارێن تێدا، لێ تا نها بڕگەیێن لهەڤهاتنێ ب تەمامی نەهاتینە جێبەجێکرن.
هـ.ر