فۆتۆ:
2021-04-02
399 جار خوێندراوەتەوە
ساخلەمیا عێراقێ ڕاگەهاند، ل دەما ٢٤ دەمژمێرێن دەربازبوویدا، پێنج هزار و ٨٨٢ حالەتێن توشبوون و ٣٠ حالەتێن ژیان ژدەستدانێ ب کۆرۆنایێ هاتینە تومارکرن. ل هەرێمێ ژی، ٧٧٣ حالەتێن توشبوون و چار حالەتێن ژیان ژدەستدانێ ل کوردستانێ هاتینە تومارکرن.
ئەڤرۆ پێنجشەمبی، وەزارەتا ساخلەمیا عێراقێ د ڕاگەهاندنەکێ دا بەحس ژ وێ یەکێ کر، ل تەڤایا پارێزگەهێن باشوور و ناڤەراستا عێراقێ دا، پێنج هزار و ٨٨٢ حالەتێن توشبوون ب کۆرۆنایێ هاتینە تومارکرن، ل دەمەکێ دا ل هەرێمێ دا ٧٧٣ حالەتێن توشبوون ب ڤایرۆسی هاتینە تومارکرن.
ل گورەی ڕاگەهاندنا وەزارەتا ساخلەمیا عێراقێ، ل تەڤایا پارێزگەهێن باشور و ناڤەراستا وی وەلاتیدا چار هزار و ١١٩ کەس ژ ڤایرۆسێ کۆرۆنایێ چێبووینەڤە ل دەمەکێ دا ل هەرێمێدا، ٢٧١ حالەتێن چێبوونێ هاتینە تومارکرن.
وەزارەتا ساخلەمیا عێراقێ ئاماژە ب وێ یەکێ کریە، کو ل تەڤایا پارێزگەهێن باشور و ناڤەڕاستا عێراقێدا ٣٠ حالەتێن ژیان ژدەستدانێ ب ڤایرۆسی هاتینە تومارکرن و ل هەرێمێ ژی هەشت حالەت.
ل پشتی بەلاڤبوونا ڤایرۆسێ کۆرۆنایێ ل سالا ٢٠١٩ێ دا ل باژێرێ وهانا چینێ، تا نها ل عێراقێ دا ٨٦٢ هزار و ٨٢١ کەس تووشی ڤایرۆسی بوون، هەڤدەم ٧٦٨ هزار و ٢١٥ کەس چێبوونەڤە و ١٤ هزار و ٣٩٠ کەسان ژی ژ ئەگەرێ ڤایرۆسی ژیانا خۆ ژدەستدایە.
هـ.ر