فۆتۆ:
2021-04-02
605 جار خوێندراوەتەوە
میدیایێن عێراقێ بەلاڤکریە، ئەڤرۆ ئەینی، محەمەد عورەیبی، یەک ژ وان دادوەرێن کو دادگەها سەدام حسێنی کری، ژ سەدەما توشبوونێ ب پەتایا کۆرۆنایێ ل نەخۆشخانێ ژیانا خۆ ژدەستدا.
محەمەد عورەیبی ئەو دادوەر بوو ل پشتی هەردوو دادوەر رەئوف رەشید و رزگار محەمەد، سەرپەرشتێ دادگەهکرنا سەدام حسێن، سەرۆکێ رژێما بەرێ یا عێراقێ کر.
محەمەد عورەیبی ل سالا ١٩٦٩ێ ل ناڤچەیا کەڕادە ل بەغدا ژ دایکبوویە، سالا ١٩٨٧ێ چوویە بەشێ یاسا ل زانکۆیا بەغدا و سالا ١٩٩٢ی، پاشان ژی ل سالا ١٩٩٨ێ چوویە پەیمانگەها دادوەری و سالا ٢٠٠٠ێ وەکی دادوەر هاتیە دامەزراندن.
رۆژا ١ێ ئابا ٢٠٠٤ێ وەکی دادوەر ل دادگەها تاوانێن عێراقێ بۆ دادگەهکرنا سەدام حسێن و سەرانا رژێما وی دامەزراند، سەرۆکایەتیا دەستەیا دوویێ یا دادگەها تاوانان کر ل ٢٠ێ ئیلۆنا ٢٠٠٦ێ بۆ دادگەهکرنا سەدام حسێن کو تایبەت بوو ب تاوانا ئەنفال و سەرکوتکرنا راپەرینا شەعبانیە و کیمیابارانکرنا هەلەبجە و پاکتاوکرنا حزبێن ئاینی.
هـ.ر
