فۆتۆ:
2021-04-01
380 جار خوێندراوەتەوە
وەزارەتا ناڤخویا عێراقێ ڕاگەهاند، ٧١٣ بیانی ب سەدەما پابەند نەبوونا وان ب یاسایێ و مەرجێن مانا وان ل وەلاتی هاتنە هنارتن بۆ وەلاتێن وان.
وەزارەتا ناڤخویا عێراقێ ڕاگەهاندنەکێدا بەلاڤکریە و تێدا هاتیە، ل چەند دەڤەرێن جودا جودا یێن بەغدا یا پایتەخت چەندین کەس بسەدەما پابەند نەبوونا وان ب یاسایێ هاتنە دەستەسەرکرن.
ئەوژی دیارکر، ٧١٣ کەسێن بیانی کو هەلگرێن رەگەزنامەیێن جودانە بسەدەما پابەند نەبوونا وان ب یاسایێ و سەرپێچیکرنا یاسایا مانا وان و ئاکنجیبوونا عێراقی هاتنە هنارتن بۆ وەلاتێن وان.
ئەڤەژی ددەمەکیدایە، د مەها شوباتا ئەڤسالە ژیدا، وەزارەتا ناڤخۆیا عێراقێ ڕاگەهاندبوو، ٣٢ هزار کرێکارێن بیانی بسەدەما نە یاسایی ژ مانا وان ل وەلاتی هاتنە هنارتن بۆ وەلاتێن وان.