فۆتۆ:
2021-03-31
641 جار خوێندراوەتەوە
پەرلەمانێ عێراقێ د ڕونشتنا ئەڤرۆ یا تایبەت ب دەنگدانێ لسەر پرۆژەیاسایا بودجەیێ ٢٠٢١ێ یێ عێراقێ، ماددەیێ ١١ یێ پرۆژەیاسایێ پەسەندکر کو تایبەتە ب پشکا هەرێمێ ڤە.
د پرۆژەیاسایێ دا پشکا کوردان کێمکرن، ل گؤرەی ڕەشنڤێسا یاسایێ پشکا هەرێمێ بەریا نها ١٢.٦٧%ێ بۆ هاتبوو دانان، لێ نها کریە ٩.٥%ێ، کو ئەوژی ب مەرەما کیمکرنا کورتئانینا بودجەی بوویە.
د ماددەیێ ١١ێ یێ پرۆژەیاسایا بودجەیا فیدڕاڵیا عێراقێ دا هاتیە:
- دڤێت حکومەتا هەرێمێ مەهانە ٢٥٠ هزار بەرمیلێن پەڕۆلێ ب بهایێ سۆمۆ ڕادەستی حکومەتا ناڤەندی بکەت.
- هەرێما کوردستانێ پابەند دکەت ب پێدانا موچەیێ فەرمانبەران ژ وی پارەی کو بۆ دهێتە شاندن، پێتڤیە کارێ ل پێشیێ یێ حکومەتا هەرێمێ موچەیێ موچەخوران بیت.
- دڤێت حکومەتا هەرێمێ ل سالا ٢٠٢١ێ دا پابەندبیت ب خەرجکرنا موچەیێ پێشمەرگەی و قەرەبوکرنا فەرمانبەران لسەر وی پشکێ برێدکەڤیت.
- حکومەتا هەرێما کوردستانێ پابەندکریە ب دانا قەرزێن بەنکا بارزگانیا عێراقێ (TBI) ژ ئالیێ بەنکێن حکومی و تایبەتێن هەرێمێ ڤە و دڤێت د دەما ١٠ سالاندا بدەتن.
- وەزارەتا دارایا عێراقێ حکومەتا هەرێمێ پابەند دکەت ب پێداچوون و پێدانا زانیاریێن هویرێن فەرمانبەرێن مەدەنی و سەربازی ب هاریکاریا دیوانا چاڤدێریا هەردوو ئالیان هەیا کو ٣٠ی ٦ی ٢٠٢١ێ دڤێت زانیاری شاندبن.
- دام و دەزگەهێن حکومەتا هەرێمێ پابەند نەبیت ب ڕادەستکرنا بەرهەمێ فیدڕاڵی، وی دەمی پشکا هەرێمێ دێ هێتە بڕین.
ئەڤرۆ ژی دەنگدان لسەر پرۆژەیاسایێ ل پەرلەمانێ عێراقێ دەستپێکر و هەیا نها ژ سەرجەمێ ٥٨ ماددە، ١١ مادە لێ هاتنە پەسەندکرن.
و.ح