فۆتۆ:
2021-03-31
408 جار خوێندراوەتەوە
ژێدەرەکی ژ کۆمسیۆنا بلندا سەربەخۆیا هەلبژارتنان عێراقێ ڕاگەهاند، رێژا تۆمارا بایۆمەتری لسەر ئاستێ عێراقێ گەهشتیە ژ سەدێ ٦٠ و دبیت دەم درێژتر لێ بهێتە کرن.
ژێدەرەکێ بلند ژ کۆمسیۆنا بلند سەربەخۆا هەلبژارتنێن عێراقێ، بۆ ڕۆپەلێ فەرمیێ پارتی بەحس ل وێیەکێ کریە، رێژا تۆمارا بایومەتری لسەر ئاستێ عێراقێ، گەهشتە ژ سەدێ ٦٠ و د بەرنامەیدایە دەمێ تۆمارکرنا بایۆمەتری بۆ ١٥ رۆژ درێژتر لێ بهێتە کرن، یانژی مەهەک، کو ل ١ی مەها نیسانێ دێ ب دوماهی هێت، لێ هێشتا ب فەرمی ئەو بڕیارە نەهاتیە دان.
ژێدەرێ کۆمسیۆنا بلندا سەربەخۆیا هەلبژارتنێن عێراقێ، دەربارەی هەژمارا کاندیدان ژی بۆ هەلبژارتنێن عێراقێ، کو هەیا نها هاتینە تومارکرن، ئاماژە بوێیەکێ ژیکریە، "دەمێ تومارکرنا ناڤێن کاندیدان ژ ٩ی کانوونا یەکێ یا ئەڤسالە دەستپێکریە و ل ١٧ی نیسانا ئەڤسالەدا دێ ب داوی دێت، دبێژیت ژی، هەیا نها ژی ٣٠ کاندید ژ حزبێن سیاسی و چار کاندید دناڤ هەڤپەیمانیێن سیاسی و ١٧٨ کەسان ب رەنگەکێ سەربخۆ ناڤێ خۆ تومارکریە".
ئەو ژێدەرە بەحس ل وێیەکێ ژکریە، هەیا نها پێکهاتەیێن فەیلی چار کاندید و د پێکهاتەیێن ئێزدی پێنج کاندیدان ناڤێن خۆ بۆ هەلبژارتنێن داهاتێ یێن عێراقێ تومارکرینە.
بڕیارە ل رۆژا ١٠ی ئوکتۆبەرا ئەڤ سالەدا، هەلبژارتێن پێشوەخت یێن جڤاتا نوینەرێن عێراقێ بڕێڤە بچین، کو بڕیاربوو ٦ی حوزەیرانا ئەڤسالەدا بهێنە ئەنجامدان، لێ حکومەتا عێراقێ ب سەدەما تەمام نەبوونا ئامادەکاریێن پێتڤی بۆ هەلبژراتنان دەمێ وان هاتە پاشدائێخستن.