فۆتۆ:
2021-03-30
1216 جار خوێندراوەتەوە
سەرۆکوەزیرێن عێراقێ ڕاگەهاند، بهایێ نها یێ دۆلاری ب بریارا بانکا ناڤەندی و ب پشتبەستن ب ستراتیژی و روئیایا پێتڤی یا دای و گوهرین بسەردا ناهێت.
مستەفا کازمی سەرۆکوەزیرێن عێراقێ د چارچوڤێ جڤینا ئەڤرۆ یا جڤاتا وەزیراندا بەحس ژ وێ یەکێ کر، پرۆژەیاسایا بودجە پێتڤیێن وەلاتی تژیدکەت. هەروەسا دبێژیت، ''ل داهاتیدا ئاستێ گەشەیا یەدەگا دراڤێ نەختینەیی یا عێراقێ دبینن و پێتڤیە چاڤەرێ بکەین''.
ئەڤە ژی ددەمەکیدایە، چەند رۆژە ژ ئەگەرێ بزاڤێن پەرلەمانی بو دەربازکرنا بودجە و ب مەرجگرتنا داکەتنا بهایێ دۆلاری بەرامبەر دەنگدانێ لسەر ژ ئالیێ چەند ئالیێن سیاسی، بازارێ دراڤی نەجێگیریەکا بەرچاڤ بخۆڤە دیتیە و بەردەوام بهایێ دۆلاری د بلندی و نزمیێ دا یە.
ل ناڤەراستا مەها کانونێ یا سالا دەربازبوویدا، بانکا ناڤەندی یا عێراقێ بهایێ ١٠٠ دۆلار ژ ١٢٠ هزار دینارا بۆ ١٤٥ هزار دینارا بلندکر و ئەوێ ژی کاریگەری کرە سەر کار و داهاتێ وەلاتیان.
هـ.ر